Ŋikiru. 19:11 - Ebaibul

¹¹ Akainakinito ikes ayoŋ eketiyan kon acoikinit ŋakiro; aryamuni ayoŋ eropit ŋolo apolon nooi anakiwuapit ikes.

Ŋikiru. 19:11 Iomraidhean Croise

2 Ŋakiro a ŋirwa 19:10

Ŋakiro daadaŋ ŋuna eyaunete ŋiyeneta, kori ŋituŋa a etaun kus neni kus akitub, ŋakiro ŋuna kerae earitor ituŋanan ŋinice, kori ebilitor ŋikisila ke Ekapolon, kori ŋakiciketa ŋuna ke Ekapolon, kori etal, kori ŋuna etubunit Ekapolon, emaikina iyes tolimokis ikes kimyekis asecenen aneni ke Ekapolon; ani pa kilimokis ikes ŋun, ebuni anyunyura ke Ekapolon neni kus ka neni a ŋiyeneta kus. Kitiyata ŋun, ikotere nyiseca.

Ŋikiru. 119:103

Ebobok nooi ŋakiro kon eirari ayoŋ, ebobok nooi akilo tari ao inyami!

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 119:72

Ejokak aneni kaŋ nooi ŋikisila ŋulu ilimunit iyoŋ, akilo esilipa ke egolid ŋolo alalan nooi.

Ŋakit. 11:18

Emam eropit eryamununeete ŋituŋa ŋulu aronok. nai ŋituŋa ŋulu itiyaete ŋuna iyookino, eryamunete eropit ŋolo a kire.

Ŋakit. 24:14

Toyenu atemar erae aosou ibore ŋini abobon alotau kon ani kiryamu iyoŋ aosou, iyakaunor iyoŋ alokiŋaren akiyar ŋina ajokan, ido nyedaun akigeno aneni kon.

Ŋakit. 29:18

Akwap ŋina nyiwuapitere ŋuna ebala Akuj kiwuapa, erae ŋina ileleba akiguro, nai elakara ŋituŋa ŋulu iwuapito ŋikisila ŋulu ka Akuj.

Esek. 3:3

Tema iŋes neni kaŋ, “Lokoku a ituŋanan, tonyam ekitaabo lo ŋolo akainakinit ayoŋ iyoŋ kisimwon akook kon.” Aŋun, abu ayoŋ onyam ekitaabo, oryamu ayoŋ ebob nooi anakituk kaŋ ikoni ao.

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Mat. 6:18

ikotere nyeanyuniata ŋituŋa atemar ikanyi iyoŋ, mati Papa kon ŋolo nyetakani; ido Papa kon ŋolo ite ŋuna anakimunono iŋes ikiropi iyoŋ.

Mat. 6:4

ikotere akonikiŋarakinet eruwor ŋina imunono, ido Papa kon ŋolo ite ŋuna nyetakanete iŋes ikiropi iyoŋ.

Mat. 6:6

Nai ani ilipi iyoŋ, itemokino toloma nagule kon, togolok ekek, tosodi kilip neni a Papa kon a ŋolo nyetakani. Ido Papa kon ŋolo ite ŋuna itiyae iyoŋ anakimunono, iŋes ikiropi iyoŋ.

Ŋitic. 20:31

Aŋun nai, totenito totamunito atemar tari anapakio a ŋuna egworor ayoŋ, abu ekesimukek iyes daadaŋ akuwar ka apaaran, tolunyar ŋikaru ŋiuni.

1 Ŋikor. 4:14

Nyekegirakinit ayoŋ iyes nu akisurumya ŋileec, nai akitatam iyes ikwa ŋidwe kaŋ ŋuluminan.

1 Ŋites. 5:14

Ikimaimai isua iyes ŋikaitotoi, kisirworiut ŋituŋa ŋulu ekalanyaka, kisimukekisi ŋulu ekuryaka, kiŋarakisi ŋulu epalag, todaŋa ŋituŋa daadaŋ.

Ŋibur. 11:26

Abu iŋes totyaku atemar ajamuwaro aŋuna a Kristo, erae abaru ŋina apolon akilo abaru daadaŋ ŋina alo Ijipit, anerae atami iŋes ŋuna ke eropit a ŋolo a rwanu.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

2 Yoa. 1:8

Tocoikinito nyitwakiasi eropit ŋolo idaut iyes akitiyaun, ikotere iryamunete eropit kus daadaŋ.

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”