31 Ekapolon bon erae Akuj, iŋes bon erae ekaiunan yok,
ŋae mono erae Akuj alemar Ekapolon? ŋae ekaiunan yok ece alemar Akuj yok?
Okoe Ekapolon, iyoŋ ikiuni isua. Ikiuryari iyoŋ isua alotuŋa a ŋulu aronok a ŋul ŋikaru ka ŋikaru.
Okoe Ekapolon, emam anakujo akuj ŋina ikwaan ka iyoŋ; mam ŋiticisyo ikwaan ka ŋulu kon.
Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.
Arae ayoŋ Ekapolon, emam ece mati ayoŋ bon; ayoŋ bon arae Akuj emam akuj ace, akainakini ayoŋ iyoŋ ŋiboro ŋulu ke ejie tari pa kikiyeni iyoŋ ayoŋ,
Nai erubakinito Ŋisirael ebasi, ‘Nyiyookino akiwuapit ŋuna ke Ekapolon.’ Okoe Ŋisirael, nyiyookino kire akiwuapit ayoŋ a? Meere kire ŋuna iwuapito iyes nyiyookino a?
Kire nyikwaan ekaiunan kec ka ŋolo yok, ebaŋaaka ŋimoe yok.
Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,
Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.
