Ŋikiru. 18:14 - Ebaibul

¹⁴ Abu iŋes kiyaku akimilya keŋ, kiela ŋimoe, abu kirita ikes a akimilya.

Ŋikiru. 18:14 Iomraidhean Croise

Yob 37:4

Ani elunyar akimilyaunet, togirok nai akiru anapedor ka Akuj, egirokine ŋolo ailiilon, ido nyitojoŋoe Akuj akimilya apaki ŋina epupere agiro keŋ.

Yob 37:5

Ani elimuni Akuj ŋakiro, itiyanakin ŋakiro ŋuna ka aumokin, itiyaenene Akuj ŋakiro ŋuna nyikipedori iwon ayenun.

Yob 38:35

Ipedori iyoŋ alimokin ŋakimilyaeta toyakaun, ikotere toboŋut temasi neni kon, ‘Eyakae isua ne a’?

Yob 6:4

Eketeryamu Akuj ayoŋ aryeba ikwa ituŋanan ŋini egumitae a ŋikaleŋeleŋe, ido elelebun nakiyar kaŋ akisorit ŋina aaran, eketubul ayoŋ Akuj aŋuna a ŋican a ŋulu alalak a ŋulu ekeyakik iŋes ayoŋ.

Ŋikiru. 144:6

Kiyaku akimilya, ikotere kiela ŋimoe kon, kirita ikes a akimilya.

Ŋikiru. 21:12

anerae ibwaŋi iyoŋ ikes; igumari iyoŋ ŋikaleŋeleŋe kon neni kec.

Ŋikiru. 29:3

Epupo etoil ke Ekapolon ananamyo, ikilya irworo Akuj ŋina ka apedor, ipukat Ekapolon anam ŋina apolon nooi.

Ŋikiru. 29:7

Ani irworikini Ekapolon, imilyauni ibore ŋini ikoni akim.

Ŋikiru. 77:17

Apotu ŋidouwon tobukut ŋakipi; abu kidiama togirok; abu akimilyaa kielun alowaetin a daadaŋ.

Ŋikiru. 77:18

Aponi kiirarae agiro kon alokuwuam a ŋolo akusi nooi. abu akimilyaunet kon kinwak akwap; abu akwap tomaranik ka kiryaŋiryaŋakin.

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Yoel 2:11

Eceluni Ekapolon alokiŋaren ŋasigarya keŋ; elalak ŋasigarya keŋ ŋuna iwuapito ŋakiciketa, nyimarun; kire jik, epol nooi akoloŋit ŋina ke Ekapolon, erae ŋina a ŋinyas jik. Ŋae epedori akidaŋidaŋ akoloŋit ŋin?

Abak. 3:11

Abu elap towo aneni sek ayai, iŋolikini akimilyaa ŋina a ŋikaleŋeleŋe kon eiror, iŋolikini akimilyaa ŋina ka akwara kon eiror.

Ekim. 24:8

Akuj ŋina ayauni ikes alo Ijipit, iŋes eji aŋuna kec, lopite ŋolo ejio emoŋ ŋolo aryenyaanan, emunyarete ikes ŋituŋa a ŋakwapin ŋulu erae ŋimoe kec, itoŋopiyarete ikes agogoŋu a ŋimoe kec. Egumete ikes ŋimoe kec a ŋikaleŋeleŋe kec.

Ŋikis. 32:23

“Atokokini ayoŋ ŋican neni kec, agumakini ayoŋ ikes ŋikaleŋeleŋe kaŋ daadaŋ,

Ŋikis. 32:42

Elelearete ŋaokot alokaleŋeleŋe kaŋ, ido eari ekileŋ kaŋ ŋimoe kaŋ, nyemyekini ayoŋ tari epei a ŋulu eketijiete ayoŋ etwakete tari ŋulu ewanan ka ŋulu eenitae.’

Yos. 10:10

Abu Ekapolon kitubul Ŋiamori tosuros apaki ŋina eŋolikiniata Ŋisirael. Toara Ŋisirael ikes alo Gibeon, kiritarae nakan ŋina alo Bes-Oron, toararae erot daadaŋ akitodol neni anyaritae Aseka ka Makeda.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”