Ŋikiru. 18:13 - Ebaibul

¹³ Abu daŋ Ekapolon kirworik anakuj, ido aponi kiirarae etoil a Akuj a ŋina alokidiama nooi.

Ŋikiru. 18:13 Iomraidhean Croise

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Ŋikiru. 104:7

Ani ieyakini iyoŋ ŋakipi, apotu totyakas; apotu totyakas iirarete etoil kon ŋolo agiro.

Ŋikiru. 11:6

Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

Ŋikiru. 140:10

Kimyek ŋatotol ŋuna eriraete tobukokin neni kec; kimyek ikes kimasakinae, napanya ŋuna nyelomuniata nabo jik.

Ŋikiru. 78:48

Abu Akuj tomunya ŋaatuk kec a ŋakako, tomunya ŋamesekin kec a akireta.

Awos. 20:18

Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.

Awos. 9:24

Kilim akiru ŋina a ŋakako nen, torubak agiro ka akimilyaa irimirimi nen. Arae ŋin akiru ŋina alalan nooi anakwap a Ijipit ŋinapei kipukakinet iŋes bon.

Esek. 10:5

Apaki ŋin, apedoritae akiirar eruye a ŋabebenuk a ŋisubuna ŋulu a ŋabebenuk tari iyai nalapatu ŋina alokiŋa Akai ka Akuj, ekoni eruye ŋol irworikini etoil ka Akuj a ŋina etiron.

Abak. 3:5

Iyakuununui iŋes ŋican eriŋa iŋes nyebuno, ido icikakini atwanare kiwuapu iŋes.

Yoa. 12:29

Apotu ŋituŋa ŋulu awuasi alodiye keŋ kiirasi etoil, temasi ŋice kori agirokinet, temasi ŋice, “Erwor emalaika neni keŋ!”

Ŋikis. 32:24

ididiyari akoro ikes, emunyarete ŋidekesyo ŋulu aryabak ikes. Eyakikini ayoŋ ikes ŋityaŋ ŋulu anyamak ŋituŋa, eyakikini ayoŋ ikes ŋimuno ŋulu aarak.

Yos. 10:11

Ani eriŋa Ŋiamori ekerete akilany Ŋisirael, apaki ŋina atiyaarotor alo Bes-Oron, totiyau Ekapolon Akuj ŋakako ŋuna apolok, tocaka ikes akitodol Aseka. Toara ŋakako ŋituŋa ŋulu alalak nooi adepar ŋulu aarete Ŋisirael a ŋileŋia.

Akis. 19:6

Abu eira etoil ŋolo asibit ŋolo a ŋituŋa a ŋulu alalak, ŋolo asibit ŋolo a ŋakipi a ŋuna eremuno anakope, ŋolo asibit ŋolo ka agirokinet a ŋina ireta. Eira ikes ebasi, “Alleluia! Anerae erae Ekapolon Akuj yok ŋina etiron, Erwosit!

Akis. 4:5

Bu alokicoloŋ akimilyaunet, eruye ka akirurum ŋina ka agirokin. Alokiŋaren ekicoloŋ, ayakasi ŋagilae ŋakanikaarei ŋuna anepete, ŋuna erae ŋitai ŋulukanikaarei ŋulu ka Akuj.

Akis. 8:5

Abu emalaika tolemu abakule, kilelebik akim ŋina Namuroet, kimasu nakwap. Totakanu agiro ŋina ereta, ŋitoilon, akimilyaa ka amaran ŋina ka akwap.

1 Sam. 7:10

Ani eriŋa Samuel itiyae ŋuna ka ainakinet a ŋin neni ke Ekapolon, toapuut Ŋipilistin neni a Ŋisirael akisiiryakin Ŋisirael; nai tocelu Ekapolon neni a Ŋipilistin akoloŋit ŋin a etoil a ŋolo apolon nooi a ŋolo ekoni agirokinet, kisibiler ikes; tobwaŋas alokiŋaren Ŋisirael.