Ŋikiru. 17:3 - Ebaibul

³ Idau iyoŋ akisyem etau kaŋ, ibu iyoŋ bu neni kaŋ nakwaare, idau iyoŋ akikatakin ayoŋ, ido nyeryamuna iyoŋ ŋuna aronok aneni kaŋ; nyelimuno ayoŋ ŋakiro ŋuna aronok.

Ŋikiru. 17:3 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Yob 24:14

Enyoununeete ŋikaarak apaki ŋina iryonunia akwap daadaŋ aŋuna ka akiar ikulyakit ka ŋini a ŋican, elosete ikes nakwaare ikwapei ŋikokolak.

Ŋikiru. 11:5

Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

Ŋikiru. 119:106

Adau ayoŋ akikoŋ, ido etogogoŋ akikoŋet ŋin, atemar ewuapi ŋakiro ŋuna itubunit iyoŋ ŋun iyookino.

Ŋikiru. 139:1

Okoe Ekapolon, idau iyoŋ aripirip ayoŋ, ido ikiyenu iyoŋ ayoŋ.

Ŋikiru. 139:23

Toripiripae ayoŋ, okoe Akuj, ido toyenu ŋuna eya lotau kaŋ; kikatakinae ayoŋ, ido toyenu ŋatameta kaŋ.

Ŋikiru. 16:7

Epuri ayoŋ Ekapolon ŋolo eketatami ayoŋ ŋakiro ŋuna emaikina ewuap; nakwaare daŋ eketatami ayoŋ etau kaŋ ŋakiro ŋuna emaikina ewuap.

Ŋikiru. 26:2

Okoe Ekapolon, kisyemei ayoŋ ka kikatakinae ayoŋ, kikatak etau ka ŋatameta kaŋ;

Ŋikiru. 39:1

Abu ayoŋ olimu ebe, “Acoikini ayoŋ alotooma ŋuna etiyae, ikotere nyasec alotooma ŋuna erworo; nyalimuni ayoŋ ŋakiro ŋadi eapiyete ŋituŋa ŋulu aronok.”

Ŋikiru. 66:10

Okoe Akuj, idau iyoŋ akikatakin isua; ikikatak iyoŋ isua lopite ŋolo ikatakinere esilipa.

Ŋikiru. 7:4

ani ketiyat ŋuna aronok neni a ŋini ikiriit ka ayoŋ, kori kademunit ŋimoe kaŋ ibore pa esecito,

Ŋakit. 13:3

Ituŋanan ŋini ecoikinit ŋuna irworo iŋes eiunit akiyar keŋ, ituŋanan ŋini nyecoikinit ŋuna irworo iŋes, emunaari akiyar keŋ.

Yer. 12:3

Nai Okoe Ekapolon, ikiyeni iyoŋ ayoŋ. Ikite iyoŋ ayoŋ ka ikikatanakini, iyeni iyoŋ atemar akamina ayoŋ iyoŋ. Toriko ikes kiŋa lopite ŋolo erikorere ŋamesekin neni eŋolere, totyaka ikes aŋuna ka akoloŋit a ŋina earere ikes.

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Osea 7:6

Emwaka ŋitai kec nooi anakituk akitiya ŋuna aronok, akuwar daadaŋ eduŋet aŋoit kec, nai ani iwalari akwap, tonoku ikwa akim.

Mika 2:1

Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 16:9

Akoloŋit ŋin nakwaare, bu atakanikinet neni a Paulo: awoi ekile ŋolo alo Makedonia edyekit iŋes ebala, “Bua Makedonia, ikiŋarak isua!”

1 Ŋikor. 4:4

Emam idiobore ŋini ayeni ayoŋ atemar asecit, nai nyitoodiunito ŋun atemar emam ŋuna akatubokinere ayoŋ, Akuj ŋina erae Ekapolon a daadaŋ, iŋes akatubokini ayoŋ.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Sam. 24:10

Idau iyoŋ elope nakoloŋit na akiŋolikin epite ŋolo abunio Ekapolon ikipotok iyoŋ neni kaŋ anaturukan; apotu ŋituŋa ŋice temasi ayoŋ toar iyoŋ, nai abu ayoŋ ekeŋarak iyoŋ. Abu ayoŋ otema, ‘Mam nyaari ayoŋ ekapolon kaŋ; anerae Ekapolon iŋes abu kituruwo iŋes erwosit.’

1 Sam. 24:12

Ekapolon etyakuni ŋini esecit aneni yok kerae ayoŋ, kori iyoŋ. Ekapolon inyaŋari ŋuna aronok ŋuna itiya iyoŋ neni kaŋ, nai mam ŋuna eketiyakini ayoŋ iyoŋ.

1 Sam. 26:11

Elipit ayoŋ Ekapolon ekeretak ayoŋ nyaar iŋes ŋolo erae Ekapolon abu toseu. Nai tokona, tolemu akwara ŋin ŋina edupa kwap diyete nakou keŋ ka etwo ŋolo a ŋakipi, ido apena.”

1 Sam. 26:23

Einanakini Ekapolon ŋinituŋanan eropit keŋ aŋuna eraakar ituŋanan ŋin ŋini iyookino ka ŋini ikinyoma; anerae abu Ekapolon nakoloŋit na ikipotok iyoŋ neni kaŋ, nai abu ayoŋ nyekyaa akan kaŋ okoar iyoŋ ŋolo erae Ekapolon abu itoseu.