Ŋikiru. 16:3 - Ebaibul

³ Ejokak nooi ŋituŋa ŋulu ikinyomito Ekapolon, akajoikinit ayoŋ nooi arukit ka ikes.

Ŋikiru. 16:3 Iomraidhean Croise

2 Ŋakiro a ŋirwa 6:41

Tonyou tokona, okoe Ekapolon Akuj, ido tolot nakibois ŋina emaikina iyoŋ kiboiyo, iyoŋ kaapei ka Asaduku ŋina ka Acamunet a ŋina ka apedor kon. Okoe Ekapolon kiterereŋ ŋisacaradotin kon alotooma daadaŋ ŋuna itiyaete, kimyek ŋituŋa kon daadaŋ tolakaros aŋuna ka ajokis kon neni kec.

Ŋikiru. 101:6

Aminakini ayoŋ ŋulu ikinyoma anakwap, ikotere ikes ikiboi ka ayoŋ; ŋini daadaŋ iboi pa itoronitae eruwor eketiyan kaŋ.

Ŋikiru. 116:15

Epipil nooi aneni ke Ekapolon atwanare ipei a ŋiseuna keŋ.

Ŋikiru. 119:63

Arae ayoŋ erukitos a daadaŋ a ŋulu ikitopoloorito iyoŋ, erukitos a ŋulu iwuapito ŋakiciketa kon.

Ŋikiru. 122:8

Aŋuna a ŋikaitotoi kaŋ ka ŋikonei kaŋ, atemari, “Toyai ekisil tooma kon.”

Ŋikiru. 30:4

Toeoto ŋikipurisyo neni ke Ekapolon, iyes ŋikanupak keŋ; kipuro ekiro keŋ ŋolo asegan,

Ŋakit. 12:26

Elimonokinete ŋituŋa ŋulu iyookino ŋikonei kec akitiya ŋuna ajokak, nai ikicakari akiwuapit ŋakiro a ŋulu aronok.

Ŋakit. 13:20

Ituŋanan ŋini erukito ka ŋikaosok, eruwor ŋini eos, nai ituŋanan ŋini erukito ka ŋibaŋaanotin, eryamuni ŋican.

Ŋakit. 8:31

Alelyani ayoŋ anakwap keŋ a ŋina iboiyoto ŋituŋa, alakara ayoŋ aŋuna a ŋituŋa.

Eete a Ŋie. 7:10

Arae ayoŋ ŋina a ŋolominat kaŋ ka ekeitanit iŋes ayoŋ.

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Ŋitic. 9:13

Toboŋok Anania tema, “Ekapolon, akalimonokis ayoŋ ŋituŋa ŋulu alalak ŋakiro ŋuna ke ekile a ŋol ŋuna aronok nooi, ŋuna etiya iŋes lokanupak kon alo Yerusalem.

Ŋigal. 6:10

Aŋun nai, ani eriŋa iwon ikiyakar apaki ŋina ajokan, itemokino etiyata ŋuna ajokak neni a ŋituŋa a daadaŋ, akilo nooi neni a ŋulu erae ŋikanupak ikwa iwon.

Ŋiep. 1:1

Ayoŋ Paulo, ŋolo arae ekiyakia ŋolo a Yesu Kristo aŋuna ka acamit a ŋina ka Akuj, egirit abaruwa na neni a ŋituŋa a ŋulu ka Akuj a ŋulu eyakasi Epeso, ŋulu ikinyoma alotooma akimorikina ka Yesu Kristo:

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.