Ŋikiru. 16:11 - Ebaibul

¹¹ Ikitoodik iyoŋ ayoŋ erot ŋolo elosi nakiyar; alelyani ayoŋ nooi aŋuna ikirukitor ka ayoŋ; ani iapi iyoŋ aneni kaŋ, alakara ayoŋ ŋirwa daadaŋ ŋulu ka akiyar kaŋ.

Ŋikiru. 16:11 Iomraidhean Croise

Ŋikiru. 139:24

Toanyu erae keyai aronis eyai neni kaŋ, ido torikoe ayoŋ ewuap ŋipitesyo ŋulu a akiyar a ŋina a ŋikaru ka ŋikaru.

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 4:8

Apedori tokona ayoŋ akiper ojotoor neni ajokan; anerae iyoŋ bon, okoe Ekapolon, ikiinakini ayoŋ akiper emam ŋace.

Ŋikiru. 68:4

Toeikisi neni ka Akuj, toeikisi ipurosi ekiro keŋ, kitopoloosi iŋes ŋina edokit ŋidouwon, erae ekiro keŋ Ekapolon, tolelyana alokiŋaren keŋ.

Ŋakit. 12:28

Eyai akiyar nakiwuapit ŋuna ka akiyookino, mam atwanare eyai nakiwuapit ŋuna ka akiyookino.

Ŋakit. 2:19

Ŋituŋa daadaŋ ŋulu eloseneneete naberu ŋin, nyeboŋuneneete a nen nyiloconokinete daŋ nabo ŋipitesyo ŋulu ka akiyar kec.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Ŋakit. 5:6

Nyetamakini iŋes akiwuap erot ŋolo ka akiyar eoliyorit iŋes alorot a ŋolo ka akiyar, nai nyeyeni atemar aoliyo.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Mat. 25:33

Isibakiyari iŋes ŋamesekin teten keŋ ka ŋamee kedyany keŋ.

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Mat. 5:8

Erereŋ ŋulu esegak ŋitai; anerae eanyunete ikes Akuj.

Mat. 7:14

Nai edidiŋ ekek ŋolo elosi nakiyar ka etyono erot ka ekudyoko ŋituŋa eryamunete.

Mar. 16:19

Kedau Ekapolon Yesu erwori neni kec, aponi yae iŋes nakuj, kiboikin nakan ŋina aloteten Akuj.

Ŋitic. 2:28

Ikitoodik iyoŋ ayoŋ ŋirotin ŋulu elosete nakiyar ka eketelelyani ayoŋ nooi neni ikirukitor ka iyoŋ.’

Ŋitic. 7:56

Tocelu Stepano tema, “Kiŋolikisi! Ete ayoŋ nakuj eŋaara ka Lokoku a Ituŋanan ewuoi alowae a ŋolo aloteten Akuj!”

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

1 Ŋikor. 13:12

Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.