Ŋikiru. 15:5 - Ebaibul

⁵ Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Ŋikiru. 15:5 Iomraidhean Croise

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 112:6

Kire jik emam ibore itukuryani ŋituŋa ŋul, erubakinio etamunitae ikes ŋikaru ka ŋikaru.

Ŋikiru. 16:8

Ŋirwa daadaŋ ewuakinit ayoŋ ŋatameta kaŋ neni ke Ekapolon; eapi iŋes aneni kaŋ, aŋun eboi ayoŋ emam ŋace.

Ŋikiru. 55:22

Tolimok ŋican kon neni ke Ekapolon. ikiyoki iŋes iyoŋ; nyimyekini iŋes ŋulu iyookino kilounae.

Awos. 22:24

aŋoi ayoŋ nooi, akamunyari iyes ke ekileŋ, toruworos ŋaberu kus ŋapuseru ka toruworos ŋidwe kus ŋikokyok.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Ŋakit. 10:30

Eyakaunotor ŋituŋa ŋulu iyookino aiuna a ŋinapaki, nai nyerubakinete ŋulu aronok iboiyete ekaoyan anakwap.

Ŋakit. 12:3

Emam ituŋanan eryamuni aiuna anakitiya aronis, nai erubakinete ŋulu iyookino iboiyete pa iryaŋiryaŋasi.

Ŋakit. 15:27

Epedori ituŋanan ŋini erorokana ayaun ŋican lotuŋa a ekal keŋ, nai eyari ituŋanan ŋini nyecamit ŋakaluŋuluŋui.

Isa. 33:15

Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Esek. 18:17

toŋerite akitiya asecit ka akidenionokin ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak, kiwuapite ŋuna atubunit ayoŋ ka ŋikisila kaŋ, nyetwani iŋes aŋuna ka asecit apapa keŋ, eyari kire jik iŋes.

Esek. 18:27

Nabo ani keesiki ituŋanan ŋini aronon akitiya aronis keŋ ŋina sek etiyat, kitiya ŋuna ecamakinito ŋikisila ka ŋuna iyookino, eiuni ituŋanan ŋin akiyar keŋ.

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Mat. 26:15

kiŋit ikes tema, “Nyo ikiinakinete iyes ayoŋ, erae kepotu ayoŋ iŋes neni kus?” Tocamut ikes akitac iŋes a ŋisilipae a ŋatomoniuni.

Yoa. 13:17

Ani kiyenete iyes nu, irereŋ iyes erae kitiyata nu.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Ŋikis. 23:21

Ani kikoŋ iyoŋ neni ke Ekapolon Akuj kon, nyidid akisiyookin iŋes, anerae kire jik iitanit Ekapolon iyoŋ kisiyook ŋun, ani pa kisiyook iyoŋ ŋun, iryamuni iyoŋ ekaile ŋolo ka asecit.

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”