Ŋikiru. 148:14 - Ebaibul

¹⁴ Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 148:14 Iomraidhean Croise

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 145:10

Okoe Ekapolon, elakarosi neni kon ŋisubuna daadaŋ ŋulu ibu iyoŋ tosub, elakarosi neni kon daadaŋ ŋulu ikikinyomito iyoŋ.

Ŋikiru. 149:9

ka kisicaniata ŋakwapin lopite ŋolo elimunitor Akuj. Erae ŋin akiloun ŋina a ŋituŋa a ŋulu ka Akuj. Kipuroe Ekapolon!

Ŋikiru. 75:10

Elemari Akuj apedor a ŋulu aronok a daadaŋ, nai iatakini apedor a ŋulu iyookino.

Ŋikiru. 89:17

anerae neni kon ebunitor arwonu ŋina ka agogoŋu kosi, ido anamina kon, ikiinanakini iyoŋ isua akilounun ŋimoe kosi;

Ŋikiru. 89:18

anerae neni kon Ekapolon eryamunere isua aiuno. Iyoŋ Akuj ŋina asegan, ŋina a Ŋisirael irae erwosit kosi.

Ŋikiru. 92:10

Nai ikituruwori iyoŋ ayoŋ ŋolo agogoŋ ikwa emaanik ŋolo adedeŋan; ikiterereŋi iyoŋ ayoŋ, ikiinak alakara.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Luk. 1:52

Ekota iŋes ŋikapolok alokicoloŋo kec, ka etopoloo ŋulu itiditeuna alotai kec.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Ŋiep. 2:13

Ilwaka paaran sek iyes aneni ka Akuj, nai aŋuna tokona iyakatar nakimorikina ka Kristo, adaun akitapuun iyes neni ka Akuj aŋuna a ŋaokot a Kristo, aŋuna aponi tobukoroe alomusalaba.

Ŋiep. 2:17

Abu nai Kristo bu alimonokin ŋakiro ŋuna ke ekisil neni a ŋituŋa a daadaŋ--neni kus a ŋulu nyirae Ŋiyudayan, a ŋulu sek ilwaka nooi aneni ka Akuj ka neni a Ŋiyudayan a ŋulu sek aapiyete aneni ka Akuj.

Ŋiep. 2:19

Aŋun nai, nyeriŋa iyes ŋulu nyirae Ŋiyudayan irae ŋigelaanotin kori ŋituŋa ŋulu ka acekwap; irae tokona iyes ŋipei ka ŋituŋa ŋulu ka Akuj ka irae ŋituŋa ŋulu ke epeikal a ŋolo ka Akuj.

Ŋikis. 10:21

Ekapolon iŋes erae akipuro kus, iŋes erae Akuj kus, ŋina etiya aŋuna kus ŋakiro ŋuna apolok ka etubulok ŋun ŋuna iŋolikis iyes a ŋakonyen kus.

Ŋikis. 4:7

Emam ŋituŋa ŋulu ka akwap ka adio ŋulu itopolooritae, ŋulu eyakatar akuj ŋina eapi aneni kec lopite ŋolo eapiya Ekapolon Akuj yok aneni yok apaki daadaŋ ŋina enyaraere iwon iŋes.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Sam. 2:1

Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!