Ŋikiru. 147:5 - Ebaibul

⁵ Epol nooi Ekapolon yok, epol nooi apedor keŋ; nyisalunun aosou keŋ.

Ŋikiru. 147:5 Iomraidhean Croise

1 Ŋakiro a ŋirwa 16:25

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Yob 36:5

“Kire jik, erae Akuj ŋina etiron ka nyejamuwarit ituŋanan idio; erae agogoŋu keŋ ŋina ka ayenut ŋina etiron.

Ŋikiru. 135:5

Ayeni ayoŋ atemar epol Ekapolon nooi, epol Ekapolon yok nooi akilo ŋakujo daadaŋ.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 48:1

Epol nooi Ekapolon, ido emaikina kipuroe iŋes nooi alotooma etaun ŋolo ka Akuj yok, alomukura keŋ a ŋolo asegan.

Ŋikiru. 96:4

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Ŋikiru. 99:2

Ekapolon iŋes epol nooi alo Sion; itopolooritae iŋes akilo ŋituŋa daadaŋ.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Yer. 10:6

Okoe Ekapolon mam ituŋanan ikwaanatar iyoŋ, ipol iyoŋ ka epol ekiro kon eyakar apedor;

Yer. 10:7

okoe erwosit a ŋituŋa a ŋakwapin, ŋae nyikikerit iyoŋ, anerae emaikina ikikeritae iyoŋ alokidiŋ ŋikaosok anakwapin ka anapukasinei kec a daadaŋ, mam ituŋanan ikwaan ka iyoŋ.

Dan. 2:20

Tema Daniel, “Kipuroe ekiro a Akuj ŋikaru ka ŋikaru, anerae aosou ka apedor erae ŋuna keŋ.

Naum 1:3

Nyeŋoi Ekapolon atipei nai egogoŋ iŋes nooi, mam nyeesikini iŋes ŋikasecak nyisicana aŋuna a ŋasecisya kec. Neni daadaŋ itori iŋes, eyakaun ekuwuam ŋolo ipiripiri ka ŋolo ekusi ka agogoŋu. Erae ŋidouwon apuwa ŋina a ŋakejen keŋ.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!