Ŋikiru. 146:9 - Ebaibul

⁹ Iyokit Ekapolon ŋigelaanotin iŋaranakini ŋikokyok ka ŋapuseru, nai emunaanari ŋiticisyo a ŋulu aronok.

Ŋikiru. 146:9 Iomraidhean Croise

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

Esta 5:14

Temasi nai Seres aberu ka Aman ka ŋikonei ka Aman daadaŋ, “Kitudukok ŋituŋa ŋipirin ŋiarei ŋulu edoli aoyau kec alokidiama ŋimitae ŋatomoniarei ka ŋiuni, kiriwokinae apeeta alokidiama. Ani moi taparacu tolimok erwosit kinenekinoe Moridekai napeeta a ŋipirin a ŋul; toloto nai iyoŋ ka erwosit nasuban elakara etau.” Tolakar Aman a ŋakiro a ŋun, kitudukok ŋituŋa ŋakito ŋun.

Esta 7:10

Aŋun, apotu ŋituŋa kinenekis Aman nakito ŋuna abu iŋes todupak akinenekin Moridekai. Totikiun nai anyunyura a erwosit.

Esta 9:25

Nai ani irari erwosit ŋakiro ŋuna ka atuko ka Aman, abu tolimu anakiro a ŋuna egiri iŋes atemar kisicanae Aman aŋuna ka aronis a ŋina atuku iŋes akitiya neni a Ŋiyudayan. Tolimu iŋes atemar kinenekinoe Aman ka ŋidwe keŋ ŋulusapa nakito.

Ŋikiru. 10:14

Nai ite iyoŋ! Kire iyeni iyoŋ ŋican ka aryeba a ŋituŋa, ido itenit iyoŋ aŋuna ka akiŋarakin, einakina ŋulu epalag neni kon, iyoŋ iŋarakini ŋikokyok a ŋinapaki.

Ŋikiru. 145:20

Iyokit Ekapolon daadaŋ ŋulu eminasi iŋes, nai emunyari Ekapolon ŋulu aronok daadaŋ.

Ŋikiru. 147:6

Iŋarakinit Ekapolon ŋulu itiditeuna make, nai emunaanari ŋulu aronok kitoloma kwap.

Ŋikiru. 18:26

Itoodiunun iyoŋ ijok aneni a ŋulu emam asecit; ido iryenyaanikinit iyoŋ ŋulu isyaaka.

Ŋikiru. 68:5

Akuj ŋina iboi anakibois keŋ a ŋina asegan, iŋes erae papa a ŋikokyok, ekeuryaran a ŋapuseru.

Ŋakit. 15:25

Emunaari Ekapolon ŋakais a ŋulu eturok, nai iturubakini Ekapolon ŋiboro a ŋapuseru eyakasi.

Ŋakit. 4:19

Ikwaan erot a ŋulu aronok ka akiryonut ŋina iryono cuc, nyeyenete ikes atemar nyo ikiguk.

Yer. 49:11

Kimyekisi ŋikokyok kus, ete ayoŋ ikes toyara ka kimyekisi ŋapuseru kus ekekinyoma ayoŋ.”

Osea 14:3

Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.