Ŋikiru. 146:4 - Ebaibul

⁴ Ani etwakete ikes, eboŋorete ikes nalup, todaun akoloŋit ŋinapei ŋin ŋuna ayeto ikes akitiya.

Ŋikiru. 146:4 Iomraidhean Croise

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Akisy. 3:19

Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

Akisy. 6:17

Kiira! Eyakuuni ayoŋ akalele nakwap, ikotere emunyari ŋituŋa ŋulu eriŋa eyarete daadaŋ, etwani ibore daadaŋ ŋini eyari anakwap.

Yob 14:10

Nai etwaneneete ŋituŋa, ido tobokakinae kwap; emojoŋeneneete ŋituŋa, ido ai eyakasi ŋulu a ekiŋaren?

Yob 14:21

Eryamununete ŋidwe a ŋikatwak a ŋul apolou, nai nyeyenete ŋikauruunak kec ŋun; tari kelemar ŋidwe ŋul anapolou, nyeyenete ŋikauruunak kec ŋun.

Yob 17:1

“Nyeriŋa ayoŋ eeŋa ejok aapuu akiyar kaŋ adaun, etenit akipany aŋuna kaŋ.

Yob 17:11

“Adaun ŋirwa kaŋ, amunaar ŋakiro ŋuna ayeunit ayoŋ amunaar ŋakiro ŋuna acamit ayoŋ alotau kaŋ akitiya.

Yob 27:3

ani ca keriŋa ayoŋ ayari eeŋa, keriŋa ekieŋanu ka Akuj itorunit lokumes kaŋ,

Ŋikiru. 104:29

Ani iŋeri iyoŋ ikes, ebuli; ani ilemari iyoŋ ekieŋanu kec, etwakete, toruworos ŋalup.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋikiru. 90:3

Ikinyakanari iyoŋ isua, ikituruwo nabo ŋalup, ibala, “Toboŋosi nalup, iyes ŋituŋa.”

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Ekal. 9:6

Apuripuryaar jik amina, akimanit ka arakao ŋuna ayakatar ikes neni a ŋuluce; emam nabo aloboro a daadaŋ a ŋulu etakanunete ŋulu epedorete ikes akimor ka ŋituŋa ŋuluce anakwap a na.

Isa. 2:22

Tojoŋoto akikinyomit ituŋanan, ekieŋanu bon eraakar iŋes ituŋanan. Nyo ejok aneni keŋ ŋini emaikina kikinyomere iŋes?

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

1 Ŋikor. 2:6

Tari kikote nen, ikitatami isua ka aosou neni a ŋituŋa a ŋulu epakito anatameta kec tari pa kerae aosou na ŋina ka akwap a na, kori ŋina a ŋikepukak a ŋulu ka akwap a na a ŋulu esaluni apolou kec.