Ŋikiru. 145:17 - Ebaibul

¹⁷ Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 145:17 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

2 Sam. 22:31

Ani eruwor iyoŋ Akuj, iyookino ŋuna kon; iyoonokin akiikinet ŋina a Ekapolon; erae iŋes aupal aneni a ŋulu daadaŋ eŋopete aneni keŋ,

Yob 34:10

“Aŋun, topupokinae ayoŋ, iyes ŋulu epatana ayenun ŋakiro, nyiryamasi ca Akuj ka akitiya ŋuna aronok, nyiryamasi ca Akuj ŋina etiron ka akitiya ŋuna nyiyookino,

Yob 34:12

Ŋulu itiyaete ŋuna a kire, nyitiyae Akuj ŋuna aronok neni kec, nyeŋeri Akuj ŋina etiron akitiya ŋuna ka akiyookino.

Ŋikiru. 103:6

Itiyae Ekapolon ŋuna ka akisyon ka akiyookino neni a daadaŋ a ŋulu iteryamunitae ŋican.

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 116:5

Ejok Ekapolon ka iyookino; isyoniono Akuj yok.

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Sepan. 3:5

Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”