Ŋikiru. 143:8 - Ebaibul

⁸ Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋikiru. 143:8 Iomraidhean Croise

Ŋikiru. 119:34

Inakinae ayoŋ ayenut, ikotere ewuapi ŋikisila kon, ewuap ikes ke etau kaŋ a daadaŋ.

Ŋikiru. 119:73

Iyoŋ ikisubuni ka ikiyeuni ayoŋ; inakinae ayoŋ aosou oyenunia ŋakiciketa kon.

Ŋikiru. 143:10

Kitatamae ayoŋ etiya acamit kon, anerae irae iyoŋ Akuj kaŋ; elipi ayoŋ okorik etau kon nyaloma natyokisyo.

Ŋikiru. 25:20

Kiyokoi ayoŋ ka toiunae ayoŋ; nyikimyek ayoŋ ekesirumyo ŋileec, anerae neni kon iŋes aryamunitor ayoŋ aiuno.

Ŋikiru. 27:11

Okoe Ekapolon, kitatamae ayoŋ ŋuna icamit iyoŋ ayoŋ ewuap, kisiwuapae ayoŋ ŋuna iyookino alokiŋaren kon, anerae elalak ŋimoe kaŋ.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 32:8

Ebala Ekapolon ebe, “Eketatami ayoŋ iyoŋ ŋipitesyo ŋulu emaikina kiwuap, Eketatami ayoŋ iyoŋ ka akalimokini epite ŋolo emaikina kitiyaa ŋun.

Ŋikiru. 42:8

Eketoodyanakini ayoŋ Ekapolon amina keŋ naparan, ani nakwaare, oeik ayoŋ eete neni keŋ elip neni ka Akuj a ŋina erae akiyar kaŋ.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Ŋikiru. 5:8

Okoe Ekapolon, aŋuna a ŋimoe kaŋ, kitenae ayoŋ alotooma akiyookino kon. Kisidiiri erot kon alokiŋaren kaŋ.

Ŋikiru. 59:16

Nai aeikini ayoŋ etojokit agogoŋu kon, aeikini ayoŋ a ŋinataparacu nooi etojokit amina kon ŋina nyiryaŋiryaŋa; anerae irae iyoŋ aduketait kaŋ ŋinajiet, neni kon aiunor ayoŋ anapakio a ŋuna a ŋican.

Ŋikiru. 86:4

Yau alelyan neni ke eketiyan kon, anerae neni kon, okoe Ekapolon elipi ayoŋ.

Ŋikiru. 90:14

Kilelebikinae isua a ŋinataparacu amina ŋina nyiryaŋiryaŋa; ikotere isua oeoto ka olelyana ŋirwa daadaŋ ŋulu ka akiyar kosi.

Isa. 30:21

Ani kilot iyes lowae ŋolo aloteten, kori lowae ŋolo alokedyeny, iirarete iyes etoil alokaku kus ebala, “Erot lo, tomekisi.”

Isa. 48:17

Alimu Ekapolon ekalakunan kus, Akuj ŋina asegan ŋina a Isirael ebe, “Arae ayoŋ Ekapolon Akuj kus, ŋina eketatami iyes aŋuna ka ajokis kus a ŋikulepek, ŋina akarikit iyes alorotin a ŋulu emaikina iyes kiwuapa.

Aum. 3:41

Elipa a ŋitai yok a daadaŋ neni ka Akuj a ŋina eyai nakuj, ikikyaarit ŋakan ikibala,

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Ŋikat. 13:12

Kirworik nai Manoa tema, “Tolimokinae tokona, ani apaki ŋina iyookinotor ŋakiro kon, anukiro emaikina edya kiwuap anakiyar keŋ, nyo emaikina iŋes kitiya?”

1 Sam. 23:12

Kiŋit nai Daudi Ekapolon tema, “Akajalakinete ayoŋ ka ŋikajiok ŋulu ikirukitor ayoŋ ŋituŋa a Keila neni a Saul a?” Toboŋok Ekapolon tema, “Ikijalakinete ikes iyes.”