Ŋikiru. 143:7 - Ebaibul

⁷ Okoe Ekapolon, toboŋokinoe ayoŋ atipei; apapanu ayoŋ. Nyiwua ereet kon aneni kaŋ, ani kiwua iyoŋ ereet kon, ayakaun ayoŋ nakibois a ŋulu adaut atwakare.

Ŋikiru. 143:7 Iomraidhean Croise

Ŋikiru. 102:2

Nyikiesik ayoŋ apaki ŋina ayakar locan. Topupok ŋakiro kaŋ; toboŋokinoe ayoŋ atipei apaki ŋina akanyaraa,

Ŋikiru. 22:24

Nyimyekina iŋes ŋituŋa ŋulu isicanitae, kori nyeŋero iŋes amitakin ŋican kec; nyewouna iŋes akiŋarakin ŋini daadaŋ esicanitae. nai abu kiira akigoro kec aŋuna ka akiŋarakino.

Ŋikiru. 27:9

Nyikiesik ayoŋ, nyikiesik ayoŋ eketiyan kon aŋuna ka aŋoit kon, iyoŋ ibu toruwor ekeŋarakiniton kaŋ. Nyikiŋer ayoŋ, nyikimyek ayoŋ, okoe Akuj kaŋ, akaiunan kaŋ!

Ŋikiru. 28:1

Okoe Ekapolon, akanyarit ayoŋ iyoŋ; ekaiunan kaŋ, nyiŋer akiirar ŋakiro kaŋ, anerae ani kikililiŋ iyoŋ ayoŋ, ayakaun ayoŋ neni a ŋulu adaut atwakare.

Ŋikiru. 40:17

Ani eruworayoŋ, arae ekulyakit ka ekaŋican, elipi Ekapolon okotamunite ayoŋ, irae iyoŋ ekeŋarakinan kaŋ ka ekalakunan kaŋ; okoe Akuj kaŋ nyidid abunore akiŋarakin ayoŋ.

Ŋikiru. 69:17

Nyiwua ereet kon aneni a eketiyan kon; toboŋokinoe kare ca ayoŋ atipei, anerae ayai ayoŋ locan.

Ŋikiru. 69:18

Toapu neni kaŋ, tolakunae ayoŋ; tolakunae ayoŋ alomoe kaŋ.

Ŋikiru. 69:3

Apapanu ayoŋ anakigworo eŋita akiŋarakinio, aono edokole kaŋ. Amuumu ŋakonyen kaŋ edarit akiŋarakino aneni ka Akuj kaŋ.

Ŋikiru. 70:5

Ani eruwor ayoŋ, arae ekulyakit ka ekaŋican, okoe Akuj, kiwonyu atipei neni kaŋ! Irae iyoŋ akeŋarakinan kaŋ ka akalakunan kaŋ; okoe Akuj, Nyidid abunore akiŋarakin ayoŋ!

Ŋikiru. 71:12

Okoe Akuj, nyieka aneni kaŋ; okoe Akuj kaŋ kiwonyu atipei, ikiŋarak ayoŋ.

Ŋikiru. 84:2

Ekeburit ayoŋ nooi ayakau Kai ke Ekapolon a etau kaŋ a daadaŋ ka a akuwan kaŋ a daadaŋ, aeikini ayoŋ ka alelyanu neni ka Akuj a ŋina eyari.

Ŋakit. 13:12

Ani pa keryamu ituŋanan ibore ŋini sek egeno iŋes aryamun, epete ŋikarune lotau keŋ, nai ani keryamu ituŋanan ibore ŋini ecamit iŋes aryamun, ilelebikin alelyanu lotau keŋ.

Isa. 38:18

Nyepedorete ŋituŋa ŋulu eya nakibois ŋina a ŋikatwak alakar neni kon, nyepedorete ŋulu etwakito akipuro iyoŋ; nyepedorete ŋulu alomasi nakipany akigeno neni kon aŋuna ka akikinyoma kon.

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Luk. 21:26

Emaranikinete ŋituŋa kirakanaros ebulit aŋuna a ŋican a ŋulu epote nakwapin daadaŋ; anerae emaranikinete tari ŋiboorei daadaŋ ŋulu alokidiama.