4 Aŋun, apapanu ayoŋ; amin akadakinit tooma lotau kaŋ.
Ipedorete iyes tari akilamilam aŋuna ka atedor ŋini eŋatari ikoki, ipedorete tari akirworiun egyelit ŋolo igyelareta ekone.
Okoe Ekapolon, kiira akilip kaŋ; topupok akigworo kaŋ aŋuna ka akiŋarakino.
kikiwokorit akalele iwon nariet, kikirapuwarito ŋakipi iwon,
Ani apapanuni ayoŋ, iyoŋ Ekapolon iyeni ŋuna emaikina ayoŋ etiya. Adaut ŋikaronok ayeun epite ŋolo akaaryata ayoŋ alorot a ŋolo amyat ayoŋ.
Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.
Okoe Ekapolon, kiŋolikinae ayoŋ itorimak, anerae akasiliki ayoŋ, ido aryamu ŋican.
Adolu neni kaŋ akuryanu ka amaran ekeloŋiya ayoŋ ekabule.
Akanyarit ayoŋ iyoŋ alwana alore, akanyarit aŋuna apapanunia ayoŋ nooi; yaarae ayoŋ neni ayakaun aiuna,
Ani atamuni ayoŋ Akuj, ekalou; ani atamatamae ayoŋ ŋuna ka Akuj, emam akisimukekinet aryamuni.
Aayenene ayoŋ akuwar daadaŋ atamatamae nooi; atamatamae ayoŋ eŋita alotau kaŋ ebe,
Kilip iŋes imukekinit toryeba nooi alotau, kikokis ŋakinyinyir keŋ edoete kwap ŋaokot.]
