Ŋikiru. 143:10 - Ebaibul

¹⁰ Kitatamae ayoŋ etiya acamit kon, anerae irae iyoŋ Akuj kaŋ; elipi ayoŋ okorik etau kon nyaloma natyokisyo.

Ŋikiru. 143:10 Iomraidhean Croise

Neem. 9:20

Ibu iyoŋ inak ikes etau kon ŋolo ajokan akitatam ikes, nyelemara iyoŋ Manna kon anakituka kec ka ibu iinak ikes ŋakipi aŋuna ka akure.

Ŋikiru. 118:28

Irae iyoŋ Akuj kaŋ, alakar ayoŋ neni kon; irae iyoŋ Akuj kaŋ, eketopoloori ayoŋ iyoŋ.

Ŋikiru. 119:12

Akipuro toyai neni kon, okoe Ekapolon; kitatamae ayoŋ ŋakiro ŋuna itubunit iyoŋ.

Ŋikiru. 119:35

Kimyekinae ayoŋ ewuap ŋakiciketa kon, anerae nen iŋes aryamunia ayoŋ alakara.

Ŋikiru. 139:24

Toanyu erae keyai aronis eyai neni kaŋ, ido torikoe ayoŋ ewuap ŋipitesyo ŋulu a akiyar a ŋina a ŋikaru ka ŋikaru.

Ŋikiru. 140:6

Okoe Ekapolon, abala ayoŋ neni kon, “Irae iyoŋ Akuj kaŋ.” Okoe Ekapolon, kiira akigworo kaŋ aŋuna ka akiŋarakino.

Ŋikiru. 22:1

Akuj kaŋ, Akuj kaŋ, kaanukiro ikiesikinia iyoŋ ayoŋ? Kaanukiro ilwania iyoŋ aneni kaŋ akiŋarakin ayoŋ, kori akiirar ŋakiro ŋuna ekegworonokinio ayoŋ iyoŋ?

Ŋikiru. 23:3

Akainakini iŋes ayoŋ agogoŋu ŋina kitete, eketenari iŋes ayoŋ lorotin ŋulu ajokak aŋuna a ekiro keŋ.

Ŋikiru. 25:12

Ikes ŋulu itopoloorito Ekapolon, itatamikini Ekapolon ikes erot ŋolo emaikina ikes toseut.

Ŋikiru. 27:11

Okoe Ekapolon, kitatamae ayoŋ ŋuna icamit iyoŋ ayoŋ ewuap, kisiwuapae ayoŋ ŋuna iyookino alokiŋaren kon, anerae elalak ŋimoe kaŋ.

Ŋikiru. 31:14

Nai ekekinyomit ayoŋ iyoŋ okoe Ekapolon; abala ayoŋ, “Irae iyoŋ Akuj kaŋ.”

Ŋikiru. 63:1

Okoe Akuj, irae iyoŋ Akuj kaŋ, ekeitanit ayoŋ iyoŋ, ekeburit ayoŋ nooi aanyun iyoŋ, alilimiyo akuwan kaŋ aŋuna ka akiitanit iyoŋ, alilimiyo lopite ŋolo iyakar nakwap ŋina aonon ka ŋina acaryoonon ŋina emam ŋakipi.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 63:14

Abu etau a Ekapolon inak ikes akieŋun lopite ŋolo etiyaarotor ŋaatuk nakadipaalat. Aŋun, ibu iyoŋ Ekapolon kiten ŋituŋa kon, ikotere itopoloorere ekiro kon.

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Ekim. 9:22

Kerae ŋirwa ŋiarei, kori elap, kori apaki ŋina aoyan erapuwaritor edou Eema, eboiyete Ŋisirael jik anakibois a ŋina alomito, nai apaki ŋina ikyaaroredou towotokis ikes.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 14:26

Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 15:30

Ekemaimai ayoŋ iyes ŋikaitotoi kaŋ atemar, aŋuna ke Ekapolon Yesu Kristo ka aŋuna ka amina a ŋina ikiinakinit Etau ŋolo ka Akuj emorikinos oŋirikisi akilip Akuj aŋuna kaŋ.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋirom. 8:26

Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

2 Tim. 1:7

Anerae pa abu Akuj ikiinak iwon Etau ŋolo ka akuryanu, nai abu ikiinak Etau ŋolo ka apedor ka amina ta akiyapara.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.