Ŋikiru. 141:5 - Ebaibul

⁵ Kimyek ituŋanan ŋini iyookino ekesican ayoŋ, erae ŋun arimao kimyek ŋulu ikinyoma eketatam ayoŋ akimyekin akitiya aronis; erae ŋun amina; nyikimyek ayoŋ oŋer amina ŋin, anerae elipi ayoŋ jwi jwi eteŋeriyorit ŋiticisyo a ŋulu itiyaete aronis.

Ŋikiru. 141:5 Iomraidhean Croise

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Ŋikiru. 125:4

Okoe Ekapolon, kitiya ŋuna ajokak neni a ŋulu ajokak, neni a ŋulu iyookino alotai kec.

Ŋikiru. 23:5

Itemonokini iyoŋ ŋasuban aŋuna kaŋ, alokiŋaren ŋimoe kaŋ; ikijauni iyoŋ ayoŋ ikwapei epeyonon ŋolo itopolooritae ka ileleba ekopo kaŋ ilapanar.

Ŋikiru. 51:18

Analakari kon ka alope, kitiya ŋuna ajokak Sion; todukok nabo ŋarwatatain a Yerusalem.

Ŋakit. 12:1

Ituŋanan ŋini emina akiiranar ŋuna ebookoi toesik, emina aosou, nai ebaŋaaka ŋulu eremokino ituŋanan ŋini elimokinit ikes atemar eroko ŋuna itiyaete ikes.

Ŋakit. 15:22

Ani pa kiŋisi ŋituŋa ŋuluce epite ŋolo itiyaere ŋuna ecamitae akitiyakin, nyitiyakin ŋuna ecamitae akitiyakin, nai ani kikilimokis ŋituŋa ŋulu alalak ŋunakitiya, nyikipiyori akitiya ŋun.

Ŋakit. 15:5

Ituŋanan ŋini ebaŋaana, ejamuwari ŋakiro ŋuna itatami papa keŋ iŋes, nai ituŋanan ŋini eesyanakini ŋuna ebookoi toesik eyakar ayenut.

Ŋakit. 19:25

Emaikina kisicanae ituŋanan ŋini iturono, ikotere nai ŋibaŋaanotin eyenunete ŋuna kitiya. Ani kisicani ŋikaosok, iirarete ka eyenunete ŋace ŋuna ka aosou.

Ŋakit. 25:12

Ani kikilimok ituŋanan ŋini aoson ŋakiro, ido kiira kiwuap, ejok nen nooi, ikoni neni ejokya inapit anakit ibore ŋini itiyaunitae a egolid.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Ekal. 7:5

Ejok akiirar ŋakiro ŋuna ikilimokinete ŋikaosok atemar kimyek akilo akipup eete a ŋibaŋaanotin.

Ŋilep. 19:17

“‘Nyimanit ŋiyeneta kon alotau kon. Tolimok ŋikidunyetkon itoŋoiyarit atemar idyakarito, erae ŋun ikotere nyeruworosi ikes ŋulu esecito.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Ŋigal. 6:1

Ŋikaitotoi kaŋ, ani keriko asecit idiotuŋanan, itemokino iyes ŋulu ikipukat Etau ŋolo ka Akuj kiŋarakis iŋes, ikotere inyakun iŋes; nai itemokino iyes kitiyata ŋun alotooma akitiditeuna. Kiuryar ŋinituŋanan kus bon, ikotere nyitemi iŋes daŋ.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!