Ŋikiru. 140:6 - Ebaibul

⁶ Okoe Ekapolon, abala ayoŋ neni kon, “Irae iyoŋ Akuj kaŋ.” Okoe Ekapolon, kiira akigworo kaŋ aŋuna ka akiŋarakino.

Ŋikiru. 140:6 Iomraidhean Croise

Ŋikiru. 116:1

Amina ayoŋ Ekapolon, anerae abu kiira akigworo kaŋ ka akilip kaŋ.

Ŋikiru. 119:57

Ekapolon iŋes erae ibore daadaŋ ŋini acamit ayoŋ; adau ayoŋ akiikin akiwuap ŋakiro kon.

Ŋikiru. 130:2

Ekapolon, kiira etoil kaŋ topupok ejok akigworo kaŋ aŋuna ka akisyonio.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 142:5

Okoe Ekapolon, egworo ayoŋ neni kon abala ayoŋ, “Iyoŋ irae neni aiunor ayoŋ, iyoŋ bon ayakar ayoŋ anakiyar kaŋ a na.

Ŋikiru. 143:1

Okoe Ekapolon, kiira akilip kaŋ, topupok akigworo kaŋ aŋuna ka akiŋarakino! Alotooma akikinyoma ka akiyookino kon, toboŋokinoe ayoŋ.

Ŋikiru. 16:2

Abala ayoŋ neni ke Ekapolon, “Irae iyoŋ Ekapolon kaŋ, emam ibore ejok aneni kaŋ mati iyoŋ bon.”

Ŋikiru. 31:14

Nai ekekinyomit ayoŋ iyoŋ okoe Ekapolon; abala ayoŋ, “Irae iyoŋ Akuj kaŋ.”

Ŋikiru. 57:7

Okoe Akuj, nyiryaŋiryaŋa etau kaŋ, nyiryaŋiryaŋa etau kaŋ, aeikini ayoŋ ekepuro iyoŋ.

Ŋikiru. 64:1

Okoe Akuj, kiirarae ayoŋ, anakiŋuruŋura kaŋ; toiunae ayoŋ alomoe kaŋ a ŋulu ekemanito ayoŋ.

Ŋikiru. 91:2

Atemari ayoŋ neni ke Ekapolon, “Irae iyoŋ neni aiunor ayoŋ ka aduketait ŋina ajio ayoŋ; irae iyoŋ Akuj kaŋ ŋina ekinyomit ayoŋ.”

Yer. 18:22

Elipi kiirarae akigworo anakais kec, apaki ŋina iyaunia iyoŋ ŋimoe neni kec, anerae acamunosi ikes akikamun ayoŋ ka ayeununut ŋirotin ŋululokunet ayoŋ.

Aum. 3:24

Abala ayoŋ erworo neni kaŋ bon, “Ekapolon bon ikiyakar ayoŋ, aŋun, iŋes bon ekinyomit ayoŋ.”

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”