Ŋikiru. 140:3 - Ebaibul

³ Itiitanito ikes ŋaŋajepa kec ikwa ŋuna a ŋimuno, ŋakiro ŋuna irworosi ikes erae ŋuna aarak, ikote akisorit ŋina ka akipom.

Ŋikiru. 140:3 Iomraidhean Croise

Akisy. 3:13

Kiŋit Ekapolon Akuj aberu tema, “Anukiro nu ŋuna itiya iyoŋ?” Tema aberu, “Emun akamodikini ayoŋ, ido abu onyam.”

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Ŋikiru. 58:4

Ileleba neni kec akisorit ŋina ikoni ŋina a akipom, egolol ŋaki kec ikote ŋuna a akipom,

Ŋikiru. 59:7

Kiira iyoŋ epite ŋolo iorooto ikes, irworosi ŋakiro ŋuna apipilak, etamete ikes atemar kori emam ituŋanan epupi ŋakiro kec.

Ŋakit. 12:18

Epatana ŋakiro ŋuna irworoe car akiumiyar ituŋanan lopite ŋolo ikiduŋio ekileŋ, nai ikisirworiunete ŋakiro ŋuna irworosi ŋikaosok.

Ŋakit. 23:32

Ekaku, ikiwani iyoŋ ikwa emun, ido eruwor nen akisorit ŋina ikwaan ka ŋina ka akipom.

Ŋakit. 6:14

ileleba ŋileec lotau keŋ ka etuki a ŋinapaki akitiya aronis, isyaanakini a ŋinapaki akisigurokin ŋituŋa.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

Aum. 3:62

Ekeŋaiŋaatar ka ekerworotor ikes ayoŋ apaaran jwii.

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

2 Ŋikor. 11:3

Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.