Ŋikiru. 14:3 - Ebaibul

³ Adaut ikes daadaŋ akibatar, ekwaanikin ikes daadaŋ erae ŋulu aronok; emam ipei daŋ ŋini itiyae ŋuna ajokak, emam tari ipei.

Ŋikiru. 14:3 Iomraidhean Croise

Akisy. 6:12

Toanyu Akuj atemar aroketa ŋituŋa, anerae etiya ŋinituŋanan anakwap aronis.

Yob 14:4

Ŋae epedori alemun ibore ŋini asegan anibore a ŋini nyeseg? Mam ŋini epedori.

Yob 15:16

Etya nai ai amamukau asegis aneni a ŋini esiilyana ka ŋini itiyae atuna, a ŋini iturakinit ŋasecisya nakuwan keŋ lopite ŋolo emasere ŋakipi jik.

Ŋikiru. 119:176

Adau ayoŋ aoliyor ikwa amesek ŋina eolit; kiwarae ayoŋ eketiyan kon, anerae nyimuryakina ayoŋ ŋakiciketa kon.

Ŋikiru. 14:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 143:2

Nyikitubok ayoŋ eketiyan kon, anerae mam alotuŋa a ŋulu eyarete ŋini iyookino alokiŋaren kon.

Ŋikiru. 38:5

Abosa ŋajemei kaŋ, aruwor etoku, aŋuna ka asecit kaŋ a ŋina ka abaŋao.

Ŋikiru. 58:3

Ibatanarosi ŋulu aronok eriŋa epotiyo edyakanarete ikes ŋinapei idounere, elyokoko.

Awos. 12:30

Tonyout Parao nakwaare ka ŋikapolok ŋulu epukatotor iŋes ta ŋituŋa a Ijipit daadaŋ; min akigworo ŋina apolon nooi nakwap a Ijipit, anerae amam ekal ŋolo pa atwanitor ituŋanan akoloŋit ŋin.

Awos. 8:31

Abu nai Ekapolon kitiya lopite ŋolo eŋitar Moses: Tolema ŋicuc aneni a Parao, aneni a ŋikapolok a ŋulu epukatotor Parao ka alotuŋa a Parao; mam epei daŋ abu kidoŋ.

Ekal. 7:20

Kire jik emam ituŋanan anakwap ipei daŋ ŋini iyookino, ŋini itiyae ŋuna iyookino, ido nyesecenene.

Ekal. 7:29

Ŋuna bon abu ayoŋ oryamu ikes nu: Abu Akuj tosub ŋituŋa erae ŋulu iyookino, nai emyekis ŋituŋa akiyookino, aloto ayere akitiya ŋuna ka alakara ŋuna ecamito ikes akitiya.”

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

1 Ŋikor. 6:5

Erworo ayoŋ ŋun akisurumya iyes ŋileec! Iŋes mono atemar emam alokidiŋ kus ituŋanan ŋini aoson, ŋini epedori akitub ŋakiro ŋuna iburaata Ŋikristo make a?

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋiep. 2:3

Kire, ekwaanae iwon daadaŋ ka ikes, ido ikiboi alotooma ekibure ŋolo a ŋawat yok, etiyao iwon ibore daadaŋ ŋini etalakarit acamit ŋina a ŋawat ka ŋatameta yok a ŋilopeyek. Alokuwane yok a ŋol, ikiya iwon nanyunyura ŋina ka Akuj, ikwapei ŋituŋa ŋuluce daŋ.

Ŋikis. 1:35

“Emam ipei daŋ a ŋituŋa a lu a ŋulu a anyamet a na a ŋina aronon a na ŋini edoli nakwap ŋina ajokan ŋina abu ayoŋ ekoŋ ainakin neni atapapaa kus,