Ŋikiru. 139:14 - Ebaibul

¹⁴ Ekepuri ayoŋ iyoŋ, anerae ikisubunit iyoŋ ayoŋ eloit ŋisubuna ŋuluce daadaŋ ka arae ŋini ajok nooi; erae ŋiticisyo kon ŋulu ka aumokin, ayeni ayoŋ ŋun nooi.

Ŋikiru. 139:14 Iomraidhean Croise

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋikiru. 111:2

Erae ŋiticisyo ŋulu ke Ekapolon ŋulu ka aumokin, ecamito ŋituŋa daadaŋ ŋulu elakara aŋuna a ŋiticisyo a ŋul ayenun ikes.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 92:6

Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!