Ŋikiru. 138:8 - Ebaibul

⁸ Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.

Ŋikiru. 138:8 Iomraidhean Croise

Yob 10:3

Ejok mono aneni kon akisican ayoŋ a? Ejok mono aneni kon ajamuwar esubuna kon a? Ido kitojok ŋuna eyeete ŋulu aronok a?

Yob 10:8

Ŋakan kon apotu okoyeut ka eketiyaut ayoŋ; nai tokona ikiŋoik iyoŋ ayoŋ ka ikimunya ayoŋ.

Yob 14:15

Ipedori iyoŋ anyarare ayoŋ, ido akaboŋokini ayoŋ iyoŋ; ikiburakini iyoŋ akiŋolikin esubuna kon.

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 100:5

Ejok Ekapolon; nyesaluni amina keŋ ŋina nyiryaŋiryaŋa, erae akikinyoma keŋ ŋina a ŋanyameta a daadaŋ.

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 136:1

Okoe tolakaros neni ke Ekapolon, anerae ejok iŋes, erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 57:2

Egworonokini ayoŋ Akuj ŋina alokidiama nooi, Akuj ŋina erae iŋes isiyoonokini acamit keŋ aŋuna kaŋ.

Ŋikiru. 57:3

Eboŋokini iŋes ŋakiro kaŋ anakuj, ido okoiu ayoŋ, isurumi iŋes ŋileec ŋulu ekesicanito ayoŋ. Iyakuuni Akuj neni kaŋ amina keŋ ŋina nyiryaŋiryaŋa ka akikinyoma keŋ.

Isa. 26:12

Okoe Ekapolon, ikiinakini iyoŋ isua ekisil, anerae kire, ŋuna daadaŋ etiyae isua, itiya iyoŋ aŋuna kosi.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 43:21

ŋituŋa ŋulu abu ayoŋ osub aŋuna kaŋ a elope, topedoryata ikes akipuro ayoŋ.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

1 Ŋites. 5:24

Iŋes ŋolo ikinyarit iyes, erae ŋolo ikinyoma; itiyakini iŋes ŋuna adau akiikin.

1 Pet. 4:19

Aŋun, ikes ŋulu eryamunito ŋican aŋuna ka acamit a ŋina ka Akuj, itemokino torubakis itiyaete ŋuna ajokak, inakinos neni ke Ekasuban kec, a ŋolo itiyae ŋuna adau akiikin.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo: