Ŋikiru. 138:3 - Ebaibul

³ Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Ŋikiru. 138:3 Iomraidhean Croise

Ŋikiru. 18:6

Abu ayoŋ alocan kaŋ onyara Ekapolon, abu ekalou neni ka Akuj kaŋ akiŋarakino, Abu Akuj alo Kai keŋ kiira etoil kaŋ, abu iŋes kiira akigworo kaŋ.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Ŋikiru. 28:7

Ekapolon iŋes agogoŋu kaŋ ka aupal kaŋ; neni keŋ iŋes ekinyomit ayoŋ a etau kaŋ a daadaŋ; aŋun, ekeŋarakinit ayoŋ Ekapolon, ido elelyani etau kaŋ, tosodi a eete kaŋ, alakar ayoŋ neni keŋ.

Ŋikiru. 29:11

Einanakini Ekapolon agogoŋu neni a ŋituŋa keŋ; iterereŋi Ekapolon ŋituŋa keŋ a ekisil.

Ŋikiru. 34:7

Ewuaunit emalaika ke Ekapolon ŋulu itopoloorito Ekapolon. ido elakununui ikes.

Ŋikiru. 63:8

Ekekinyomit ayoŋ iyoŋ nooi; ikiyok iyoŋ ayoŋ a apedor kon.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Aum. 3:57

Ibu iyoŋ bu neni kaŋ, apaki ŋina akanyaritor ayoŋ iyoŋ, Itolimok ayoŋ ebe, ‘Nyikuryaniar.’

Dan. 10:18

“Abu nabo emalaika ŋolo asibit ituŋanan okotap ayoŋ, tosodi eketogogoŋ ayoŋ.”

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Sakar 10:12

Etogogoŋi ayoŋ ŋituŋa kaŋ; ilipete neni kaŋ ka iwuapete ŋakiro kaŋ.” Adau Ekapolon alimun ŋakiro ŋun.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.