Ŋikiru. 137:8 - Ebaibul

⁸ Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Ŋikiru. 137:8 Iomraidhean Croise

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Yer. 50:1

Erae nu ŋakiro ŋuna abu Ekapolon kirwor aŋuna a Babilon ka aŋuna ka akwap a Ŋibabiloniyae aneni a ekadwaran Yeremia ebala,

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Sakar 2:7

Potu! tosiutu, toboŋut Sion, iyes ŋulu iboiyete ka ŋituŋa a Babilon.”

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.