Ŋikiru. 137:3 - Ebaibul

³ anerae apotu ŋulu ikirikorito isua ikiŋita isua aeikin, apotu ŋikesicanak kosi kiitana aneni kosi ŋieosyo ŋulu italakarete ikes; ebasi, “Toeikisi aŋuna kosi eete a Sion epei!”

Ŋikiru. 137:3 Iomraidhean Croise

1 Ŋakiro a ŋirwa 15:27

Apaki ŋin, anapit Daudi ekaaso ŋolo ajokan ŋolo amilimilan, lopite ŋolo anapitotor ŋilepi daŋ daadaŋ ŋulu adakito Asaduku ŋina ka Acamunet, kaapei ka ŋikaeok ta Kenania ŋolo arae ekarikon a ŋikaeok. Anapit daŋ Daudi arapet ŋina amilimilan.

1 Ŋakiro a ŋirwa 16:7

Akoloŋit ŋin, togeu Daudi ainakin Asap ka ŋiyeneta keŋ ekiruk lo ŋolo ka alakar neni ke Ekapolon.

Neem. 4:2

Tolimu iŋes epupete ŋituŋa ŋulu etiyaata Iŋes etic ŋolo ka apukan ka ŋasigarya ŋuna a Samaria tema, “Nyo itiyaete Ŋiyudayan lu epalag lu? Epedorete mono ikes akinyakakin arwatata daadaŋ a? Einakinete ikes ŋamuronisya a? Edukokinete mono ikes arwatata alotooma apei koloŋit a? Ekutunete mono ikes ŋamoru aneni etukotor icunyitae a?”

Ŋikiru. 65:1

Okoe Akuj, emaikina isua ikipuri iyoŋ alo Sion, ikisiyookini isua ŋakikoŋeta kosi neni kon.

Ŋikiru. 79:1

Okoe Akuj, apotu ŋituŋa a ŋakwapin akirem akwap kon, amunaasi ikes Akai kon ŋina asegan, abwaŋabwaŋaasi ikes Yerusalem aruwor ŋamoru ŋuna etukosi.

Ŋikiru. 80:6

Ituruwo iyoŋ akwap kosi ŋina emaryaete ŋikidunyet kosi; ikikyenatar isua ŋimoe kosi.

Ŋikiru. 9:14

ikotere ayoŋ aeikini ŋikipurisyo kon daadaŋ alopukei a ŋituŋa kon a ŋulu a Sion, olelyan a nen aŋuna ikiiunia iyoŋ ayoŋ.

Ŋakit. 25:20

Ituŋanan ŋini iruko neni a ituŋanan a ŋini iyaloloŋi, ikwaan ka ekitoe ŋolo aryeban iwuakinio najeme. Epedori akiyaloloŋ akipyedar etau a ituŋanan lopite ŋolo irikaryata ŋakimom ŋilowi, kori esipiran akitoe.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Luk. 21:6

“Nu daadaŋ ŋuna iteete iyes edoli akoloŋit ŋina nyidoŋio tari apeimoru ewuoi a nege; eukoryo ŋamoru daadaŋ.”