Ŋikiru. 137:1 - Ebaibul

¹ Aponi isua kiboikinetei diyete ŋaŋololin ŋuna a Babilon, ido aponi isua kigworoi etamunio Sion.

Ŋikiru. 137:1 Iomraidhean Croise

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Esir 8:31

Aponi nai isua torotokinoe anaŋolol Aapa ŋirwa ke elap ŋitomon ka ŋiarei elap ŋolo ke epei, aŋuna ka alosit Yerusalem, ikiŋarakinit isua Ekapolon, abu iŋes ikiiu isua anapedor a ŋimoe kosi ka alotuŋa a ŋulu ikidapito isua alorot.

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Isa. 66:10

Tolelyana ka Yerusalem ka tolakaros aŋuna keŋ, iyes daadaŋ ŋulu iminasi iŋes, Tolelyana ka iŋes analelyanu keŋ iyes daadaŋ ŋulu iyaloloŋete aŋuna keŋ,

Yer. 13:4

“ya elou ŋolo amilimilan ŋol ka ŋolo inapit, tolot naŋolol Eupurates, kiwua iŋes anaŋicet a taba.”

Yer. 15:17

Nyiboikino ayoŋ neni aya ŋulu emwomworete elakara, kori nyelelyana ayoŋ; eboi ayoŋ aneni kaŋ bon, anerae ibu iyoŋ ikisican ayoŋ, ibu iyoŋ kilelebik aŋoit lotau kaŋ.

Yer. 51:13

Iyes ŋulu iboiyete alodiyete ŋakipi ŋuna alalak, iyes ŋulu elal abaru, adolu adaunet kus, atubo eitanit a akiyar kus.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 2:18

Okoe ŋituŋa a Yerusalem, kigworonokisi Ekapolon, kimyekisi ŋakiyo kus tolelyata ikwa ŋaŋololin nakwaare ka naparan. Torubakisi igworosi ŋapakio daadaŋ, nyitubo ŋakiyo anakonyen kus.

Aum. 3:48

Eleleete ŋakiyo anakonyen kaŋ aŋuna amunyarere ŋituŋa kaŋ.

Aum. 3:51

Iyaloloŋi etau kaŋ nooi eŋolikini ŋuna etiyakin neni a ŋituŋa a daadaŋ a ŋulu a etaun kaŋ.

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Esek. 1:3

abu akirot ke Ekapolon bu neni kaŋ a Esekiel a esacaradoti a ŋolo arae lokoku a Busi, eriŋa ayoŋ ayai Babilon diyete aŋolol Kebar. Abu ayoŋ oryamu apedor ŋina ka Akuj a nen.

Esek. 3:15

Abu ayoŋ odol neni a ŋirikon a ŋulu ayakasi Tel-Abib diyete aŋolol Kebar. Abu ayoŋ eboiyoto ka ikes a nen ŋirwa ŋikanikaarei ekeilorito ŋakiro etau ŋuna abu eŋolik.

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Luk. 19:41

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol,

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”