Ŋikiru. 136:16 - Ebaibul

¹⁶ Iŋes abu torik ŋituŋa keŋ kitoryo naloŋisat, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 136:16 Iomraidhean Croise

Neem. 9:12

Ibu daŋ iyoŋ kiŋarenik ikes naparan isibit adis ka nakwaare isibit arira, itoodikinit ikes neni kitoro.

Neem. 9:19

ibu iyoŋ anakisyon kon a ŋina apolon nyimyek ikes analoŋisat, abu adis ŋina eŋarenikinit ikes alorot naparan nyimyek ikes, tari arira ŋina eŋarenikinit ikes nakwaare alorot, abu nyimyek ikes.

Ŋikiru. 77:20

Ibu iyoŋ torik ŋituŋa kon ikwa ŋamesekin, ibu iyoŋ torik ikes, inak Moses ka Aron kitena ikes.

Awos. 13:18

Aŋun, abu Akuj kisitor ikes lorot ŋolo pa acorot ŋolo etorit naloŋisat tomia nanam ŋina Areŋan. Apotu Ŋisirael kitipeut alo Ijipit etiŋito ŋiboro ŋulu ke ejie etenito ejie.

Awos. 15:22

Kitena nai Moses Ŋisirael a Nanam a ŋina Areŋan, toloto ikes naloŋisat ŋina enyaritae Sur. Toloto ikes analoŋisat todol ŋirwa ŋiuni nyeryamuna ŋakipi.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Ŋikis. 11:5

Iyenete iyes ŋuna abu Ekapolon kitiya neni kus analoŋisat akitodol ŋina iponiata iyes nakibois na,

Ŋikis. 8:15

nyikimuryak Ekapolon ŋolo abu ikirik iyes analoŋisat a ŋina apolon nooi ka a ŋina a ŋican a ŋulu apolok a ŋina eleleba ŋimuno ka ŋitwania ŋulu aarak. Abu Ekapolon kiteleleu ŋakipi aŋuna kus anataaba a ŋinasulut

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.