Ŋikiru. 132:9 - Ebaibul

⁹ Elipi kitiyata jwi jwi ŋisacaradotin kon ŋuna iyookino, elipi toeoto ŋituŋa kon aŋuna ka alelyanu.

Ŋikiru. 132:9 Iomraidhean Croise

2 Ŋakiro a ŋirwa 6:41

Tonyou tokona, okoe Ekapolon Akuj, ido tolot nakibois ŋina emaikina iyoŋ kiboiyo, iyoŋ kaapei ka Asaduku ŋina ka Acamunet a ŋina ka apedor kon. Okoe Ekapolon kiterereŋ ŋisacaradotin kon alotooma daadaŋ ŋuna itiyaete, kimyek ŋituŋa kon daadaŋ tolakaros aŋuna ka ajokis kon neni kec.

Yob 29:14

Abu ayoŋ etiya ŋuna iyookino neni a ŋituŋa ka arae ŋun ŋuna apolok aneni kaŋ lopite ŋolo inapitor elou, abu akiyookino kaŋ kikwaanikin ka anapit ekaaso ka akopiya, ŋinapen ŋulu ka apolou.

Ŋikiru. 104:1

Okoe etau kaŋ, kipur Ekapolon. Okoe Ekapolon Akuj kaŋ, irae iyoŋ Akuj ŋina iyakar apolou ŋina iloit daadaŋ. Iyakar iyoŋ akibuses ka apolou ŋina ailiilon.

Ŋikiru. 132:16

Eterereŋi ayoŋ ŋisacaradotin keŋ alotooma daadaŋ ŋuna itiyaete, ido eikinete ŋituŋa keŋ, tocela alotooma alelyanu.

Ŋikiru. 149:5

Emaikina ŋituŋa ŋulu ka Akuj tolelyana aŋuna elouniata; emaikina ikes toeoto analelyanu alokitaadae kec.

Ŋikiru. 47:1

Iyes ŋituŋa daadaŋ toramakisi ŋakan kus, kitoodiunito alelyan kus, kipuro Akuj ieosi nooi,

Ŋikiru. 68:3

Nai kimyek ŋulu iyookino tolelyana; kimyek ikes tolakaros alokiŋaren kon Akuj; kimyek ikes tolakaros ka tolelyana.

Ŋikiru. 70:4

Nai kimyek daadaŋ ŋulu ikiwarito iyoŋ tolelyana ka tolakaros aneni kon, kimyek ŋulu elakara aŋuna ka aiuno kec tobaakasi jwi jwi, “Epol Akuj nooi!”

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Sepan. 3:14

“Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

Akis. 19:8

Ainakin iŋes ŋilowi ŋulu ajokak ŋulu amilimilak ŋuludelet.” (Ŋilowi ŋulu ajokak ŋul, ikes erae ŋiticisyo ŋulu ka akiyookino a ŋituŋa a ŋulu ka Akuj.)

Ŋikat. 5:31

Okoe Ekapolon, elipi tomunyaros ŋimoe kon daadaŋ lopite ŋol! Nai elipi kiyata agogoŋu a ŋituŋa a ŋulu ikiminasi iyoŋ, lopite ŋolo iyatar amwanis elomuni akoloŋ.” Abu akwap kieŋa ejie ŋikaru ŋatomoniomwon.