Ŋikiru. 129:5 - Ebaibul

⁵ Elipi ayoŋ kisurumae ŋileec ka kitoboŋoroe daadaŋ ŋulu eremokino Sion.

Ŋikiru. 129:5 Iomraidhean Croise

Neem. 6:16

Tosodi ani iirarete ŋimoe kosi daadaŋ atemar erikakin isua akiduk arwatata, apotu ŋituŋa a ŋakwapin daadaŋ ŋulu eboiyete alodiyete kosi tokuryaketa, tojoŋoto akituro, anerae apotu ikes toyenut atemar erikakin etic ŋol aŋuna ka akiŋarakinet ka Akuj.

Esta 6:13

Ani elimokini Aman Seres aberu keŋ ka ŋikonei keŋ daadaŋ ŋakiro ŋuna apotu kitiyakin neni keŋ, temasi Seres ka ŋikonei ka Aman, “Aŋuna eraakar Moridekai ŋolo alema apolou aneni kon, ŋolo erae eletoinit a Ŋiyudayan, nyipedori nabo iyoŋ akiloun iŋes jik. Nai kire jik, iruwor iyoŋ ecaryoit alokiŋaren keŋ.”

Esta 9:5

Aŋun, apotu Ŋiyudayan kitijioto ŋulu emanito ikes, toara a ŋatumio. Toŋola ka tomunyasi ikes, ido kitiyata ŋuna etalakarito ikes neni a ŋulu emanito ikes.

Ŋikiru. 122:6

Kilipa aŋuna ke ekisil a Yerusalem ibasi, “Ikilipi kiboiyete ejok ŋulu ikiminasi iyoŋ Yerusalem.

Ŋikiru. 40:15

Kimyek ŋulu akakyenatar ayoŋ, kiruma ŋileec aŋuna elounere ikes jik.

Ŋikiru. 71:13

Elipi kisurumae ŋileec ka tomunyarae ŋulu ekesitakinito ayoŋ; elipi tojamuwarae ka tokyenare ŋulu iwarito akiwan ayoŋ.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 29:8

Ikwaanikin ŋun ka epite ŋolo irujaa ituŋanan ŋini enyamit akoro imuji, nai ani ekyenyuni toryamu eriŋa enyamit akoro; kori epite ŋolo irujaa ituŋanan ŋini enyamit akure emasi, nai ani ekyenyuni toryamu eriŋa enyamit akure. Ikokinete ŋakiro nen aneni a ŋituŋa a ŋulu alalak a ŋulu a ŋakwapin a daadaŋ a ŋuna itijiete ŋituŋa ŋulu eya lomukura Sion.

Isa. 37:22

ŋakiro nu alimu ayoŋ Ekapolon aŋuna a Senakerib: Senakerib, ikijamuwarito ka ikikyenatar iyoŋ ŋituŋa a Sion iniŋiniŋete ŋituŋa a Yerusalem ŋakyes ikiŋolikinete iyoŋ iemi.

Isa. 37:35

Euryari ayoŋ etaun lo oiu, aŋuna kaŋ a elope ka aŋuna a Daudi a eketiyan kaŋ.”

Mika 4:11

Nai tokona, acunakin ŋakwapin ŋuna alalak akitijikin iyes ebasi ikes, ‘Emaikina tomunaarae Yerusalem! Emaikina iwon eŋolikisi etaun ŋol eruwor ŋamoru koŋin!’ ”

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!