Ŋikiru. 128:3 - Ebaibul

³ Alore kon, iryamuni iyoŋ ŋidwe ŋulu alalak aneni ka aberu kon; alomesa kon, elalaketa ŋidwe kon irikaunito emesa.

Ŋikiru. 128:3 Iomraidhean Croise

Akisy. 49:22

Ikokini Yosepu epiini ŋolo araan, epiini ŋolo araan ŋolo eyai diyete elelya epiini ŋolo elyarito ŋaten kidiama arwatata.

1 Ŋakiro a ŋirwa 8:40

Arae ŋidwe a Ulam ŋulusapa ŋikajiok ŋulu adedeŋ, ŋulu ayenete akigum a ŋikaleŋeleŋe. Ayakar Ulam ŋidwe ŋulusapa ka ŋipapae keŋ ŋulu arae ekimar kec daadaŋ amiat ka ŋatomonikan. Ŋituŋa ŋulu imarunitae ŋul daadaŋ, arae ŋulu alokabila a Benjamin.

Ŋikiru. 127:3

Erae ŋidwe ainakinet aneni ke Ekapolon; erae akiterereŋet ŋina a kire.

Ŋikiru. 127:5

Elakara ituŋanan ŋini eyakar ŋisapa ŋulu ikote ŋul. Nyisurumete iŋes ŋimoe keŋ ŋileec apaki ŋina iryamunotor ikes anakibois a ŋina etubere ŋakiro.

Ŋikiru. 144:12

Agasi kikwaanikin ŋidwe kosi ŋulusapa alorwa a ŋulu ka asoroko kec ka ŋikito ŋulu enakunito, kikwaanikin ŋidwe kosi ŋulupesur ibusak ka ŋipirin ŋulu icietae akisibusya akai ka apukan.

Ŋikiru. 52:8

Nai aiuna ayoŋ alo Kai; ka Akuj ekoni ekitoe ŋolo ka Olipa ŋolo erubi ejok; ekinyomit ayoŋ amina ka Akuj ŋina nyiryaŋiryaŋa ŋikaru ka ŋikaru.

Yer. 11:16

Ikinyarit koloŋ Ekapolon iyes ebe, “Ekitoe ka Olipa ŋolo aliban, ekitoe ŋolo ibus ŋolo eyakar ŋaraito ŋuna ajokak. Nai anaŋoit keŋ a ŋina apolon, ikimunyari iŋes iyes, lopite ŋolo enomya akim ekitoe tonomiya ŋaten keŋ daadaŋ.

Esek. 19:10

Aponi tolimokinae iŋes atemar ekoni koloŋ toto kon ekitoe a epiini ŋolo eyai lomanikor a epiini, ŋolo edupakinitae diyete ŋakipi, ŋolo erai ejok nooi ka alalak ŋaten aŋuna ayakar diyete ŋakipi ŋuna alalak.

Ŋirom. 11:24

Iyes ŋituŋa ŋulu nyirae Ŋiyudayan, ikote iyes ateni ŋina ebilaryo ŋina ke ekitoe a ŋolo ka ariet a ŋolopei erae ŋolo ka akimyet, ŋina ereikinio kiderakinae lokitoe ŋolo edupio ŋolo ka akimyet tari sek pa kitiyaeneneo ikoŋina. Ikote Ŋiyudayan ŋaten ŋuna ke ekitoe a lo a ŋolo edupio; iŋes atemar epatanikini Akuj nooi akiderakin ŋaten ŋun ŋuna ebilaritae pena lokitoe kec.