Ŋikiru. 126:2 - Ebaibul

² Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

Ŋikiru. 126:2 Iomraidhean Croise

Esir 3:11

Aeosi ikes eboŋonokin ipurosi ka elakara neni a Ekapolon ebasi, “Ejok Ekapolon, erae amina keŋ ŋina nyiryaŋiryaŋa ŋina a ŋikaru ka ŋikaru aneni a Ŋisirael.” Aboŋonokinete ŋituŋa ŋuluce a ecelet a ŋolo apolon, apaki ŋina epurotor ikes Ekapolon, anerae aponi todukokinae akisyakinet ŋina ka Akai ke Ekapolon.

Neem. 6:16

Tosodi ani iirarete ŋimoe kosi daadaŋ atemar erikakin isua akiduk arwatata, apotu ŋituŋa a ŋakwapin daadaŋ ŋulu eboiyete alodiyete kosi tokuryaketa, tojoŋoto akituro, anerae apotu ikes toyenut atemar erikakin etic ŋol aŋuna ka akiŋarakinet ka Akuj.

Yob 8:21

Ilelebikin nabo nakitukwa kus akyena, ilelebikin nabo lopon kus ecelet ŋolo ka alelyanu.

Ŋikiru. 14:7

Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Ekapolon ŋituŋa keŋ ebari, elelyanete ŋituŋa a Yakob; elakarosi Ŋisirael.

Ŋikiru. 51:14

Okoe Akuj, akaiunan kaŋ nyikimyek ayoŋ oruwor ekaaran, okoe Akuj ŋina irae aiuno kaŋ, aeikini ayoŋ ŋuna ka akiyookino kon.

Ŋikiru. 53:6

Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Akuj ikes ebari, elelyanete ŋituŋa a Yakob, elakarosi Ŋisirael.

Ŋikiru. 71:19

Okoe Akuj, edolit akiyookino kon kidiama nooi, itiya iyoŋ ŋiboro ŋulu apolok nooi. okoe Akuj, ŋae ikwaanatar iyoŋ?

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Yer. 31:7

anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Esek. 36:36

Eyenunete nai ŋituŋa a ŋakwapin a daadaŋ a ŋuna idunyatar iyoŋ a ŋuna idoŋito atemar ayoŋ Ekapolon adukok nabo ŋakiboisyo ŋuna aponi tomunaarae ka adupak nabo ŋikinyom neni aponi kitisiilunoe. Ayoŋ Ekapolon alimu ŋun ka etiyakini ayoŋ ŋun.

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!