Ŋikiru. 12:6 - Ebaibul

⁶ Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 12:6 Iomraidhean Croise

2 Sam. 22:31

Ani eruwor iyoŋ Akuj, iyookino ŋuna kon; iyoonokin akiikinet ŋina a Ekapolon; erae iŋes aupal aneni a ŋulu daadaŋ eŋopete aneni keŋ,

Yob 20:19

anerae apotu ikes kisicana ka toesikis ŋikulyak, apotu ikes kikamasi ŋakais ŋuna pa adukito.

Yob 28:1

“Kire eyai neni ebokununeere esilipa ka eyai neni eliununuyere egolid.

Ŋikiru. 119:140

Adaun aanyun atemar iyookino jik ŋakiikineta kon, aŋun, emina eketiyan kon ikes.

Ŋikiru. 18:30

Ani eruwor iyoŋ Akuj, iyookino ŋuna kon; iyookino akiikinet kon; erae iŋes aupal a daadaŋ a ŋulu elosete neni keŋ aiuno.

Ŋikiru. 19:8

Iyookino ŋikisila ŋulu ke Ekapolon, einakinito alakara neni a ŋulu iwuapito ikes. Ileerete ŋakiciketa ŋuna ke Ekapolon, itacaununeete ŋatameta.

Ŋikiru. 66:10

Okoe Akuj, idau iyoŋ akikatakin isua; ikikatak iyoŋ isua lopite ŋolo ikatakinere esilipa.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Ŋikiru. 9:13

Okoe Ekapolon, kiŋolik epite ŋolo ekesicanitotor ayoŋ ŋimoe kaŋ! Kisyoni ayoŋ, ido toiunae nyaloma natwanare,

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Awos. 6:1

Tema nai Ekapolon neni a Moses, “Iŋolikini tokona iyoŋ ŋuna etiyakini ayoŋ neni a Parao: Kire jik, areikini ayoŋ iŋes kimyek ŋituŋa kaŋ toloto, kire areikini ayoŋ iŋes kirita ŋituŋa kaŋ torotokis anakwap keŋ.”

Ŋakit. 22:23

Ekapolon iŋes emaikina totub ŋakiro a ituŋanan a ŋini emam epite ŋolo eiunor bon; ido elemari Ekapolon akiyar a ŋini ecamit alemar akiyar a ituŋanan a ŋini emam epite ŋolo eiunor bon.

Ŋakit. 30:5

Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.

Isa. 14:22

Ebala Ekapolon ŋolo a ŋajoresyo, “Emani ayoŋ Babilon ka alemari ekiro keŋ ta ŋipiya, ŋidwe ka ŋiletok keŋ.

Isa. 33:10

Irworo Ekapolon ebala, “Anyouni tokona ayoŋ, eketuruworyo tokona ayoŋ Ekapolon, eketopolooryo tokona ayoŋ.