Ŋikiru. 12:4 - Ebaibul

⁴ ŋuna ebasi “Eiunoi isua a ŋakituka kosi, erae ŋakituka kosi ŋuna kosi a ŋilopeyek, ŋae erae ekapolon kosi?”

Ŋikiru. 12:4 Iomraidhean Croise

Akisy. 3:5

Elimunit Akuj ŋun, anerae eyeni atemar akoloŋit ŋina inyamyata iyes arait ŋin, eŋaarosi ŋatameta kus toyenut ŋuna ajokak ka ŋuna aronok lopite ŋolo eyenia Akuj.”

Ŋikiru. 140:12

Ayeni ayoŋ atemar eiununui Ekapolon ŋulu a ŋican, ido etubi anakiyookino ŋakiro a ŋulu eyakatar akiitanit.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Ŋakit. 10:31

Irworosi ŋituŋa ŋulu iyookino ŋakiro ŋuna ka aosou, nai elemaryo ŋulu irworosi alyokonu tojoŋoto akirworo alyokonu.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.