47 alakara ayoŋ anakiciketa kon, anerae amina ayoŋ ikes.
Kipuroe Ekapolon! Erereŋ ŋituŋa ŋulu itopoloorito Ekapolon, ŋulu elakara anakiwuapit ŋakiciketa keŋ.
Nyekinyomit ayoŋ ŋituŋa ŋulu nyiwuakinito ŋatameta kec neni kon jik, nai amina ayoŋ ŋikisila kon.
Imarakinit iyoŋ ŋulu aronok daadaŋ anakwap erae ŋikoŋinae; aŋun, amina ayoŋ ŋakiro ŋuna itubunit iyoŋ.
Kire jik, amina ayoŋ ŋakiciketa kon akilo egolid, akilo tari egolid ŋolo eliitae ejok.
Adaun aanyun atemar iyookino jik ŋakiikineta kon, aŋun, emina eketiyan kon ikes.
Kiŋolik mono iyoŋ Ekapolon epite ŋolo aminar ayoŋ ŋakiciketa kon; toiu akiyar kaŋ, okoe Ekapolon alotooma amina kon ŋina nyiryaŋiryaŋa.
Alakara ayoŋ anakiwuapit ŋakiro ŋuna itubunit iyoŋ, nyekemuryakini ayoŋ akirot kon.
Aremokino ka nyacamit ayoŋ alyokonu, nai amina ŋikisila kon.
Iwuapit etau kaŋ ŋakiro ŋuna itubunit iyoŋ, amina ayoŋ ikes a etau kaŋ a daadaŋ.
Okoe Ekapolon, eitanit ayoŋ aiuno kon, aryamunit ayoŋ alakara alokisila kon.
Ŋakiro ŋuna itubunit iyoŋ ikes erae alakara kaŋ, ikes eketatamete ayoŋ.
Etopoloorit ayoŋ ŋakiciketa kon ŋuna amina ayoŋ, ido etamatamae ŋakiro ŋuna itubunit iyoŋ.
Okoe ayoŋ amina nooi ŋikisila kon, atamatamae ayoŋ ikes apaaran jwii,
Tolimok Yesu ikes tema, “Akaakimuj iŋes akitiya ŋuna ecamit Akuj ŋina ekeyakuunit ayoŋ ka akirikakin ekeetic.
Aŋun, nyerae Ŋikisila asecit, nai eponito aneni ka Akuj ka eponito ŋakiciketa kec daŋ aneni ka Akuj, nabo iyookino ka ejokak.
Ani etiyae ayoŋ ŋuna nyacamit akitiya, itoodiunito ŋun atemar acamunit ayoŋ atemar ejokak Ŋikisila.
Elakara ekaatau nooi aŋuna a Ŋikisila a ŋulu eponito aneni ka Akuj.
Toyakatar ŋatameta ŋuna ikote ŋun, ŋuna ayakar Yesu Kristo:
Ŋakiro nu ikes ikinyaraa iyes Akuj, anerae abu Kristo elope toryamu ŋican aŋuna kus ka itoesikinia iyes akitaanyikinet, ikotere totupyata iyes ŋikukus keŋ.
