Ŋikiru. 119:45 - Ebaibul

⁴⁵ Ayari ayoŋ arae ŋolo eboi emam ŋace, anerae adau ayoŋ akikatakin akiwuap ŋakiciketa kon.

Ŋikiru. 119:45 Iomraidhean Croise

Ŋikiru. 119:133

Kitogogoŋ ŋakejen kaŋ alotooma akiikinet kon, nyicamak ŋadyakanareta ekelounete ayoŋ.

Ŋikiru. 119:148

Akyenyi ayoŋ ŋisaae ŋulu ka akuwar daadaŋ, ikotere atamatamae ŋakiikineta kon.

Ŋikiru. 119:162

Alelyani ayoŋ alotooma akirot kon, lopite ŋolo elelyania ituŋanan ŋini eŋatari ibore ŋini alalan nooi.

Ŋikiru. 119:19

Eboi ayoŋ anakwap arae igelaanot; nyiwua aneni kaŋ ŋakiciketa kon.

Ŋikiru. 119:32

Ewuapit ayoŋ ŋakiciketa kon, anerae ibu iyoŋ ikiteyenu ayoŋ ŋakiro ŋuna alalak.

Ŋikiru. 119:71

Abu akisicanio toruwor ibore ŋini ajok aneni kaŋ, abu ayoŋ oyenu ŋakiro ŋuna itubunit iyoŋ.

Ŋikiru. 119:94

Toiunae ayoŋ, anerae arae ayoŋ ŋini kon; anerae ewar ayoŋ ayenun ŋakiciketa kon.

Ŋakit. 18:1

Ituŋanan ŋini nyerukito ka ŋuluce emisit ŋuna keŋ bon a ilope, itoodiunit iŋes atemar eŋerit ŋuna eyenete ŋituŋa ŋuluce atemar iyookino.

Ŋakit. 4:12

Emam ibore iriwokin lorot kon erae kilot iyoŋ irae ŋini ios, emam ibore ikigukini iyoŋ tari kiem.

Ekal. 1:13

Abu ayoŋ oŋirik akisyemeonor a aosou ibore daadaŋ ŋini itiyao anakwap a na; abu ayoŋ oyenu atemar etic ŋolo einakinit Akuj ŋituŋa akitiya anakwap a na, erae ŋolo nyeryamuniata ŋituŋa alakara.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 5:39

Isyomete iyes Ŋakigireta ibasi kori iryamunete akiyar ŋina nyedaun alotooma kec, torae bo ŋakiro ŋuna akayenunere ayoŋ ikes igiritae Nakigireta ŋunapei ŋun!

Ŋiep. 5:17

Nyibaŋaaka, nai kikatakisi ayenun ŋuna ecamit Ekapolon.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Yak. 2:12

Aŋun, kirworo ka kitiyata ikwa ŋituŋa ŋulu elosyo atubokin alokisil a ŋolo ikilacakini.

2 Pet. 2:19

Iiyanakinete ikes ŋituŋa ŋuluce alacakina, torae bo ikes ŋipi ŋulu a ŋipitesyo a ŋulu amunaarak; anerae erae ituŋanan epito a ibore a daadaŋ a ŋini adau akiloun iŋes.