Ŋikiru. 119:4 - Ebaibul

⁴ Ekapolon, idau iyoŋ ainakin isua ŋikisila kon, ŋulu emaikina isua kiwuapae emam akibil tari epei.

Ŋikiru. 119:4 Iomraidhean Croise

Esir 7:21

“Ayoŋ erwosit Aritaseses, adau atubun ŋakiro nu neni a daadaŋ a ŋikeŋadak ŋisiliŋa anakwap a ŋina alokekwaye aŋolol Eupurate atemar, ŋinibore daadaŋ iitanit aneni kus esacaradoti Esira ekigiran ka eketataman ŋikisila ka Akuj a ŋina anakuj, emaikina inakinae daadaŋ,

Awos. 7:6

Aŋun, apotu Moses ka Aron kitiyata ŋuna ecikit Akuj ikes akitiya.

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 11:22

Ani kiwuapa iyes ejok ŋakiciketa ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus, kiwuapa ŋakiro keŋ ka kimiidikinos neni keŋ,

Ŋikis. 12:32

Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 30:16

Ani kiwuapa iyes ŋakiciketa a Ekapolon Akuj kus, ŋuna ekecik ayoŋ iyes nakoloŋit na anamina Ekapolon Akuj kus, iwuapito ŋakiro keŋ ka iricito ŋakiciketa keŋ, ŋikisila keŋ ka ŋakiro keŋ ŋuna etubunit iŋes, iyarete nai iyes ka ipitunete, ido ikiterereŋi iyes Ekapolon Akuj kus anakwap a ŋina eapi iyes alomar akituruwor ŋina kus.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 6:17

Emaikina iyes kiwuapa ejok ŋakiciketa ke Ekapolon Akuj kus, kiwuapa ŋakiro ŋuna etubunit iŋes ka kiwuapa ŋikisila ŋulu ikicik iŋes iyes akiwuap.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

1 Yoa. 5:3

Epite lo iŋes erae amina Akuj: akiricakin Ŋakiciketa keŋ. Nyegogoŋ Ŋakiciketa keŋ,