Ŋikiru. 119:32 - Ebaibul

³² Ewuapit ayoŋ ŋakiciketa kon, anerae ibu iyoŋ ikiteyenu ayoŋ ŋakiro ŋuna alalak.

Ŋikiru. 119:32 Iomraidhean Croise

Akisy. 26:22

Torotok Isaka a nen, toboku akare ace, nyisiburata ikes Isaka a ŋin daŋ aŋun, abu Isaka tolimok ekiro a ŋin Reobos. Tema, “Ikiinak tokona Ekapolon iwon neni kiboiyet, ido ikipituni anakibois a na.”

1 Ŋirw. 4:29

Inak Akuj Solomon aosou ŋina alalan nooi, ayenut epite ŋolokisibaket ŋakiro ka etau ŋolo ijaununui ŋakiro daadaŋ tari daŋ kelalak ikwa asinyon ŋina eyai nawae a anam.

Ŋikiru. 119:45

Ayari ayoŋ arae ŋolo eboi emam ŋace, anerae adau ayoŋ akikatakin akiwuap ŋakiciketa kon.

Ŋikiru. 18:36

Italala iyoŋ neni etori ayoŋ emam ŋace, ikiturubak iyoŋ ayoŋ awoikinit ŋimoe kaŋ.

Eete a Ŋie. 1:4

Yaarae ayoŋ, ewanyakisi atipei. Akayau ayoŋ erwosit nagulei ŋuna a ere keŋ. Ikilakari ka ikilelyani isua kaapei ka iyoŋ, ikipuri isua amina kon akilo ŋagwe. Aŋun, iyookinito ikes ikiminasi iyoŋ.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Isa. 60:5

Iŋolikinete nai iyes ŋun, ido kileereut aneni kus ŋakiro; elakar ŋitai kus ka ilelyanete iyes, anerae iudunio ebari a anam daadaŋ neni kus, eyaunio ebari a ŋakwapin neni kus.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Yoa. 8:32

Iyenunete ŋuna a kire ka ikilacakinete iyes ŋuna a kire.”

Yoa. 8:36

Ani kikilacak iyes Lokoku ka Akuj, ikilacakin iyes kire.

2 Ŋikor. 3:17

Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina.

2 Ŋikor. 6:11

Ikirworo isua neni kus Ŋikorinto analacakina; ikisunyakinit isua iyes ŋakiro daadaŋ ŋuna alotai kosi.

Ŋibur. 12:1

Ikwaŋina nai ikiyakar iwon daŋ ŋisuudae ŋulu alalak, itemokino iwon ojala ibore daadaŋ ŋini ikitukuruworit iwon ka ojala asecit daadaŋ ŋina imiidikina neni yok, oema tokona ikiŋirikinit akerit ŋina eyai kiŋaren yok.

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.