Ŋikiru. 119:21 - Ebaibul

²¹ Ikitoŋoyenete iyoŋ ŋiketurok ŋulu ilamam, ŋulu eoliyonorete anakiwuapit ŋakiciketa kon.

Ŋikiru. 119:21 Iomraidhean Croise

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Ŋikiru. 119:10

Ekewarit ayoŋ iyoŋ ke etau kaŋ a daadaŋ; nyikimyek ayoŋ ooliyo anakiciketa kon.

Ŋikiru. 119:110

Adaut ŋulu aronok ayeun epite ŋolo aaret ayoŋ, nai nyimyekina ayoŋ ŋakiciketa kon.

Ŋikiru. 119:118

Iŋerenene iyoŋ ŋulu nyiwuapito ŋakiro ŋuna itubunit iyoŋ, anerae erae ŋakiro ŋuna itiyaete ikes ke epali ŋakoŋinae.

Ŋikiru. 119:78

Elipi kisurumae ŋiketurok ŋileec aŋuna ekesudyoto ayoŋ ŋakiro koŋin; ani eruwor ayoŋ, atamatamae ŋuna a ŋakiciketa kon.

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋikis. 28:15

“Ani pa kiwuapa iyes ejok ŋakiro ŋuna ke Ekapolon Akuj kus kirica ŋakiciketa keŋ ka ŋikisila keŋ, ŋakiro ŋuna etubunit iŋes ŋuna ekecik ayoŋ iyes akiwuap nakoloŋit na, iryamunete nai iyes ŋilam lu daadaŋ:

Ŋikis. 30:19

Anyarae ayoŋ nakuj ka nakwap kisuudata ŋuna iseunete iyes nakoloŋit na, ewuak ayoŋ kiŋaren kus akiyar ka atwanare, arereŋu ka ŋilam. Toseutu tokona akiyar, ikotere iyes iyarete ka ŋiletok kus,

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”