Ŋikiru. 119:176 - Ebaibul

¹⁷⁶ Adau ayoŋ aoliyor ikwa amesek ŋina eolit; kiwarae ayoŋ eketiyan kon, anerae nyimuryakina ayoŋ ŋakiciketa kon.

Ŋikiru. 119:176 Iomraidhean Croise

Ŋikiru. 119:16

Alakara ayoŋ anakiwuapit ŋakiro ŋuna itubunit iyoŋ, nyekemuryakini ayoŋ akirot kon.

Ŋikiru. 119:61

Tari daŋ kekecocoete ayoŋ ŋulu aronok akitiya aronis, nyekemuryakinete ayoŋ ŋikisila kon.

Ŋikiru. 119:93

Nyekemuryakinete ayoŋ jik ŋakiciketa kon, anerae ikiinak iyoŋ ayoŋ akiyar kaŋ alotooma ikec.

Eete a Ŋie. 1:4

Yaarae ayoŋ, ewanyakisi atipei. Akayau ayoŋ erwosit nagulei ŋuna a ere keŋ. Ikilakari ka ikilelyani isua kaapei ka iyoŋ, ikipuri isua amina kon akilo ŋagwe. Aŋun, iyookinito ikes ikiminasi iyoŋ.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Yer. 31:18

Kire adau ayoŋ akiirar adyekitoi a ŋituŋa a Epuraim ebasi, ‘Ibu iyoŋ ikida isua ka aponi isua tocamunae akida kon, ikikwaan isua ka itaok ŋini nyisisatae aenit. Kinyakunae isua, kimyekinae isua toboŋunoe, anerae irae iyoŋ Ekapolon Akuj kosi.

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Esek. 34:6

Apotu ŋamesekin kaŋ kielaros, apotu kitwaŋata alokidiama ŋikamukumukui daadaŋ ka anawaetin a ŋikamukumukui a daadaŋ a ŋulu aoyak, apotu ŋamesekin kielaros nakwap daadaŋ, todaun ituŋanan iwarari, kori iŋitanari neni eya.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Mat. 10:6

nai akilo, toloto lotuŋa ŋulu a Isirael ŋulu ikote ŋamesekin ŋuna eolito.

Mat. 15:24

Toboŋok Yesu ikes tema, “Ekeyakuunitae ayoŋ neni a ŋituŋa a Isirael make, a ŋulu eoliyorito ikwa ŋameseekin.”

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Yoa. 10:16

Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.