Ŋikiru. 119:100 - Ebaibul

¹⁰⁰ Ayakar ayoŋ apiiryanut ŋina iloit ŋina a ŋikasikou, anerae ewuapit ayoŋ ŋakiciketa kon.

Ŋikiru. 119:100 Iomraidhean Croise

Yob 12:12

Ŋulu mono emojoŋito eyakatar aosou make ka eyakatar ayenut aŋuna eboiyoto ŋirwa ŋulu alalak a?

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Yob 32:4

Sek ekiŋaren, eliliŋi Eliu, edarit akisirworikin Yob, anerae adit iŋes aneni a ŋikonei a Yob.

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 119:34

Inakinae ayoŋ ayenut, ikotere ewuapi ŋikisila kon, ewuap ikes ke etau kaŋ a daadaŋ.

Mat. 7:24

“Aŋun, ituŋanan daadaŋ ŋini iirari ŋakaakiro kitiya, ikwaanikin ka ituŋanan ŋini aoson ŋini adukokini akai keŋ nataaba.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.