Ŋikiru. 119:1 - Ebaibul

¹ Elakara ŋituŋa ŋulu itiyaete ŋuna iyookino, ŋulu iboiyete iwuapito ŋikisila ke Ekapolon.

Ŋikiru. 119:1 Iomraidhean Croise

2 Sam. 22:22

anerae abu ayoŋ ewuap ŋuna abala Ekapolon, mam ŋuna aronok ŋuna etiyat ayoŋ ŋuna eketeŋerete ayoŋ Akuj kaŋ.

2 Ŋirw. 20:3

“Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Ŋikiru. 101:2

Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

Ŋikiru. 101:6

Aminakini ayoŋ ŋulu ikinyoma anakwap, ikotere ikes ikiboi ka ayoŋ; ŋini daadaŋ iboi pa itoronitae eruwor eketiyan kaŋ.

Ŋikiru. 112:1

Kipuroe Ekapolon! Erereŋ ŋituŋa ŋulu itopoloorito Ekapolon, ŋulu elakara anakiwuapit ŋakiciketa keŋ.

Ŋikiru. 128:1

Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

Ŋakit. 11:20

Erae asiilyo aneni a Ekapolon ayakau ka ŋatameta ŋuna etamete akitiya aronis. nai erae alakara aneni a Ekapolon akitiya ŋuna iyookino.

Ŋakit. 13:6

Iyokiunit akiyookino ituŋanan ŋini iwuapit ŋuna ka akiyookino, nai elemari asecit ŋulu aronok.

Ŋakit. 29:18

Akwap ŋina nyiwuapitere ŋuna ebala Akuj kiwuapa, erae ŋina ileleba akiguro, nai elakara ŋituŋa ŋulu iwuapito ŋikisila ŋulu ka Akuj.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Yoa. 13:17

Ani kiyenete iyes nu, irereŋ iyes erae kitiyata nu.

Ŋitic. 24:16

Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.