Ŋikiru. 118:27 - Ebaibul

²⁷ Erae Ekapolon Akuj, ikiinak iŋes iwon akica. Kisyakisi ŋasuban itiŋito ŋaten, kirimokisi Namuroet ilosete.

Ŋikiru. 118:27 Iomraidhean Croise

1 Ŋirw. 18:21

Abu nai Eliya toapu lotuŋa tema, “Apaki ŋina etya ai iyaete iyes pa iyenete ŋuna kiwuapa anakiro a nu a ŋaarei? Ani kerae Ekapolon Akuj, kiwuapa iŋes ani robo kerae Baal akuj kiwuapa iŋes.” Mam akirot apotu ŋituŋa toboŋokis Eliya.

1 Ŋirw. 18:39

Ani iŋolikinete ŋituŋa daadaŋ ŋun, toramakinos kwap, kijuuroto, temasi, “Erae Ekapolon Akuj kire! Erae Ekapolon Akuj kire!”

1 Ŋakiro a ŋirwa 29:21

Akoloŋit ŋina atupakini ŋin, apotu inakis ŋamuronisya neni ke Ekapolon. Inakis ŋainakineta ŋuna epeyo neni ke Ekapolon: Ŋimoŋin aliput, ŋimesekin aliput ka ŋikaalei ŋulumesekin aliput kaapei ka ŋainakineta ŋuna alalak ŋuna a ŋimaten kec ta ŋamuronisya ŋace ŋuna alalak aŋuna a Ŋisirael daadaŋ.

Esta 8:16

Aneni a Ŋiyudayan, apotu ŋun toruwor: Akiboi emam ŋace, alelyan, alakara ka akitopolooryo.

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 37:6

Isileereuni iŋes akiyookino kus, kileereu ikwa akica, isileereuni iŋes akiyookino ŋina itubioto ŋakiro kileereu ikwa akica ŋina akidiŋ apaaran.

Awos. 27:2

Kiwuak ibore ŋini esibit ŋamomwar lokoonae ŋulu a Namuroet a ŋin, emaikina ikes erae ibore ipei bon, ido toburusik eburonis Namuroet ŋin.

Awos. 38:2

Kiwuak iŋes ibore ŋini asibit ŋamomwar lokoonae ŋulu a Namuroet a ŋin etapakina Namuroet erae ibore ipei bon, ido toburusik eburonis Namuroet ŋin.

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.