Ŋikiru. 118:12 - Ebaibul

¹² Apotu kielun neni kaŋ ikwa ao, nai apotu todipakin atipei ikwa arira abu ayoŋ alokiro ke Ekapolon omunya ikes.

Ŋikiru. 118:12 Iomraidhean Croise

2 Sam. 23:6

Nai emaikina kicenoi ŋulu aronok daadaŋ, kimasarae nariet ikwa ŋikukwa ŋulu nyegirao a ŋakan.

Ŋikiru. 20:1

Elipi atemar itoboŋok iyoŋ Ekapolon ŋakiro kon apaki ŋina iyakar locan; elipi ikiyok iyoŋ Akuj a Yakob.

Ŋikiru. 20:5

Ikiceluni nai isua aŋuna ilounia iyoŋ ŋimoe kon, ikikyaari isua ŋabenderae kosi ikipuro Akuj kosi. elipi atemar ikiinak iyoŋ Ekapolon ŋuna iŋita iyoŋ daadaŋ.

Ŋikiru. 58:9

Ani eriŋa ŋulu aronok nyeyenuna, elemaryo ikes ikwa edowan; emunyari Akuj ikes anaŋoit keŋ a ŋina aryenyaanan. Epyaari Akuj ikes eriŋa esorokoka elelakinito akitiya aronis.

Ŋikiru. 8:9

Okoe Akuj, Ekapolon kosi, okoe eiliili nooi ekiro kon anakwap a daadaŋ!

Ekal. 7:6

Ikwaan ekyeniye a ŋibaŋaanotin ka eruye a ŋinya a ŋulu enomi akim. Erae ŋun daŋ ŋakoŋinae.

Isa. 27:4

mam anyunyura eyai neni kaŋ. Ani nai kelomu amoni ŋina a ŋikukwa alomanikor a ŋol, alosi ayoŋ nen akitijikin ikes, ecunya ikes daadaŋ a akim.

Isa. 33:12

Ikwaanikinosi ŋituŋa enomit ka amoru ŋina icunyio tokwaŋiar; ikwaanikinosi ikes ka ŋikukwa ŋulu eyapakinitae kwap, ido kicunyae a akim.”

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Ŋikis. 1:44

Apotu nai Ŋiamori ŋulu eboiyete anakwap a ŋin ikitijikis iyes, ikirita iyes lopite ŋolo ikirisya ao. Apotu itoar iyes ameun alo Seir tari Orima.

1 Sam. 17:45

Nai tema Daudi neni ke Epilistait, “Ibunit iyoŋ neni kaŋ itiŋit tari ekileŋ, atum ka akwara; nai abuni ayoŋ neni kon alokiro ke Ekapolon a ŋolo a ŋajoresyo a ŋolo erae Akuj a ŋajoresyo a Isirael, Akuj ŋina ijamuwa iyoŋ.