Ŋikiru. 117:2 - Ebaibul

² anerae epol nooi amina keŋ aŋuna yok, ido erae akikinyoma keŋ ŋina a ŋikaru ka ŋikaru. Kipuroe Ekapolon!

Ŋikiru. 117:2 Iomraidhean Croise

Ŋikiru. 103:11

Elal nooi amina ŋina ka Akuj aneni a ŋulu itopoloorito iŋes, etya alwanis ŋina eyai kidiŋ kidiama ka akwap.

Ŋikiru. 146:6

a ŋina abu tosub nakuj ka akwap, anam ka ibore daadaŋ ŋini eyai tooma kec, Akuj ŋina erae akikinyoma keŋ ŋina a ŋikaru ka ŋikaru.

Ŋikiru. 85:10

Eyakaun amina ka Akuj neni a ŋulu ikinyoma, einakini Akuj ekisil neni a ŋulu iyookino,

Ŋikiru. 89:1

Okoe Ekapolon, aeikini ayoŋ ŋikaru ka ŋikaru ŋuna ka amina kon a ŋina nyiryaŋiryaŋa; eserae ayoŋ ŋuna ka akikinyoma kon neni a ŋanyameta a daadaŋ.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.