Ŋikiru. 116:5 - Ebaibul

⁵ Ejok Ekapolon ka iyookino; isyoniono Akuj yok.

Ŋikiru. 116:5 Iomraidhean Croise

Esir 9:15

Okoe Ekapolon, Akuj a Isirael, iyookino iyoŋ, nai ikideun isua ikirae ŋipiya, lopite ŋolo eyakatar ŋakiro tokona. Ikiya isua kiŋaren kon ikiyakar ekaile, anerae mam ituŋanan epedori akiwo alokiŋaren kon aŋuna a ŋakiro aŋun.”

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Neem. 9:31

Kikote neni daŋ, alotooma akisyon kon ŋina apolon, ibu iyoŋ nyimyek ikes emunyaryo jik, kori nyimyekina iyoŋ ikes, anerae irae iyoŋ Akuj ŋina ijok ka ŋina isyoniono.

Neem. 9:33

Iyookino iyoŋ anakiro a daadaŋ a ŋuna apotu neni kosi, anerae itiya iyoŋ ikinyoma, nai etiyae isua erono,

Neem. 9:8

Ibu iyoŋ toryamu etau keŋ ikinyoma alokiŋaren kon, ibu iyoŋ tocamunos ka iŋes ainakin neni a ŋiletok keŋ, akwap a Ŋikanaani, a Ŋiitaiti, a Ŋiamori, a Ŋiperisi, a Ŋiebusi ka a Ŋigarigasi, ido idau iyoŋ akisiyookin akiikinet kon, anerae iyookino iyoŋ.

Ŋikiru. 103:8

Isyoniono Ekapolon ka erimaana nyepatana iŋes akiŋo, epol amina keŋ ŋina nyiryaŋiryaŋa.

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 115:1

Meere neni kosi, okoe Ekapolon, meere neni kosi, nai neni kon emaikina inakinae apolou, aŋuna ka amina kon a ŋina nyiryaŋiryaŋa ka akikinyoma kon.

Ŋikiru. 119:137

Okoe Ekapolon, irae iyoŋ ŋolo iyookino, iyookino ŋatubonokineta kon.

Ŋikiru. 145:17

Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Dan. 9:14

Aŋun, abu Ekapolon nyerubak ite ŋuna itiyao isua, abu yau neni kosi ŋican, anerae iyookino Ekapolon Akuj kosi alotooma daadaŋ ŋuna etiya iŋes, ido nyiwuapa isua ŋakiro ŋuna irworo iŋes.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Ŋiep. 2:4

Nai epol nooi akisyon ŋina ka Akuj ka epol nooi amina keŋ ŋina ikiminar iwon:

1 Tim. 1:14

Abu Ekapolon okoinak ayoŋ ajokis keŋ ilapara; ido okoinak anupit ka amina, ŋuna erae ŋuna yok alotooma akimorikina ka Yesu Kristo.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.