4 apotu ŋimoru tomaranikis, apotu ŋimukura tomaranikis.
Abu nai akwap tomaranik ka kiryaŋiryaŋakin; apotu ŋawoeta a ŋimoru daŋ tomaranikis ka kiryaŋiryaŋakin anerae abu Akuj toŋo.
Itamarani Ekapolon ŋimoru ŋulu a Lebanon toporo lopite ŋolo eporyo imanaŋit ka itamarani emoru Erimon topor lopite ŋolo eporyo etaok ŋolo atironon.
Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.
Kaanukiro irakaanikinitotor iyes ŋituŋa ŋulu ilipete alomoru Basan ŋituŋa ŋulu ilipete alomoru a ŋolo aseu Akuj akiboiyo ŋikaru ka ŋikaru?
Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon.
Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.
Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.
Ani ewoi iŋes tomaranik akwap; ani eŋoleŋolekini iŋes tomaranikis ŋituŋa. Ielielaari iŋes ŋimoru ŋulurubae; esiporete ŋikamukumukui ŋuluŋorok, ŋulu koloŋ etorenene iŋes.
Okoe Ekapolon itoŋoit mono iyoŋ ŋaŋololin a? Ayai mono anyunyura kon naŋololin a? Arae mono anam ikitoŋoit iyoŋ nooi apaki ŋina imyaarya ŋagaari ŋuna ke ejie akilounia ŋimoe kon a?
Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.
