Ŋikiru. 114:2 - Ebaibul

² abu Yudaya toruwor neni ilipere Akuj, toruwor Ŋisirael ŋituŋa ŋulu ka Akuj.

Ŋikiru. 114:2 Iomraidhean Croise

Awos. 15:17

Iyai iyoŋ ŋituŋa kon kisiboik ikes lomukura kon a elope, nakibois ŋina ibu iyoŋ Ekapolon kituruwo ŋina kon, nakibois ŋina asegan ŋina ibu iyoŋ Ekapolon kitemok a ŋakan kon.

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Ŋilep. 11:45

Arae ayoŋ Ekapolon ŋolo abu okoyau iyes eketipeunio anakwap a Ijipit, ikotere oruwor Akuj kus; aŋun, toruworos ŋulu isegak, anerae aseg ayoŋ.

Ŋikis. 23:14

Kitiyata ŋun anerae irukito iyes ka Ekapolon Akuj kus iyakasi najore, ikotere ikiuni iyes ka ipotokini ŋimoe kus neni. Aŋun, emaikina neni iperete iyes eseg, ikotere nyiŋolik Ekapolon idiobore ŋini asiilyanan aneni kus, ido ikimyek iyes.

Ŋikis. 27:12

“Ani idokarete iyes ekekwaye Yorodan, ewoete ŋituŋa a ŋikabilae a lu alomoru Gerisim apaki ŋina iterereŋere ŋituŋa: Simeon, Lepi, Yuda, Isakar, Yosepu ka Benjamin.

Ŋikis. 27:9

Ekaku a ŋun, kirworo Moses ka ŋisacaradotin ŋulu arae ŋilepi neni a Ŋisirael a daadaŋ temasi, “Kililiŋa, okoe Ŋisirael, kiirasi! Akoloŋit napei na, idaut iyes aruwor ŋituŋa ŋulu ke Ekapolon Akuj kus.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.