Ŋikiru. 110:6 - Ebaibul

⁶ Etubokini iŋes ŋituŋa a ŋakwapin, ilelebikini ŋalyalin nakwapin; ielielaari ŋikepukak ka akwap a daadaŋ.

Ŋikiru. 110:6 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Ŋikiru. 68:21

Nai iimimaari Akuj ŋakyes a ŋimoe keŋ iimimaari ŋibokoto a ŋulu emasikinito eseceneneete.

Ŋikiru. 68:22

Abu Ekapolon tema, “Atiyauni ayoŋ ŋimoe kus alo Basan, enyakuni ayoŋ ikes alokwap ŋakipi ŋuna ka anam,

Isa. 11:3

Elelyani iŋes aŋuna ka akitopoloorit Ekapolon. Nyetubi iŋes ŋakiro aŋuna ite iŋes, kori aŋuna iirari iŋes.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Esek. 39:4

Itwanikini iyoŋ kidiama ŋikamukumukui ŋulu a Isirael, kaapei ka ŋasigarya kon daadaŋ ta ŋituŋa ŋulu irukito ka iyoŋ. Ekepotokini ayoŋ iyoŋ neni a ŋolokabila a ŋikeny a daadaŋ a ŋulu anyamak ŋituŋa; ekepotokini ayoŋ iyoŋ neni a ŋityaŋ a ŋulu ka ariet, ikotere itonyam iyoŋ.

Mika 4:3

Etubi Akuj ŋiburasinei a ŋakwapin, etubi iŋes ŋiburasinei a ŋakwapin a ŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Abak. 3:13

Ibu iyoŋ toloma kiŋa aiun ŋituŋa kon, aiun erwosit kon ŋolo iseunit iyoŋ. Ibu iyoŋ toar ekarikon a apukan a ŋina aronon, ido ibu tomunya apukan ŋin.

Yoa. 5:22

Nyetubonokini Papa idiotuŋanan, nai einakinit iŋes Lokoku atubonokin,

Akis. 14:20

Aponi tocuunae ŋaraito ŋun anacuet alokiŋa etaun ŋolo apolon, toleleut ŋaokot anacuet, toleleiyasi ŋakilomitae ŋamiae ŋauni ka arae acukul kec alokwap ŋamitae ŋaarei.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”