Ŋikiru. 110:3 - Ebaibul

³ Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Ŋikiru. 110:3 Iomraidhean Croise

1 Ŋakiro a ŋirwa 16:29

Kipuro iŋes aŋuna ka apolou a ŋina emaikina kipurore ekiro keŋ. Yautu ŋainakineta, ido potu kiŋaren keŋ; kilipa neni ke Ekapolon inapito ŋilowi ŋulu asegak.

Neem. 11:2

Apotu ŋituŋa kiterereŋo ŋituŋa daadaŋ ŋulu apotu toloto a acamit kec akiboi alo Yerusalem.

Ŋikiru. 29:2

Kipuro ekiro ke Ekapolon ŋolo eyakar apolou, kilipa neni ke Ekapolon apaki ŋina etakanunia iŋes anasegis keŋ.

Ŋikiru. 96:9

Kilipa neni ke Ekapolon alotooma akitopoloorit iŋes anasegis keŋ, tomarana alokiŋaren Ekapolon, iyes ŋituŋa daadaŋ anakwap.

Esek. 43:12

Erae lo ekisil ŋolo ka Akai ka Akuj, kidiama daadaŋ neni edukokinitae Akai ka Akuj alokamukumukut, eruwor akibois ŋina italeunitoe, ŋina asegan.”

Mika 5:6

Isitiyaete ikes ŋiboro ŋulujiet areunia akwap ŋina ka Asiriya ka akwap ŋina a Nimirod, ido ikiiunete ikes iwon erae kepotu ŋituŋa ka Asiriya nakwap yok, kori kepotu lokukworin ŋulu ka akwap yok.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 19:20

Alopite a ŋol, abu akirot ŋina ke Ekapolon kiyatakin nooi ka kielakin nakwapin.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 4:4

Nai apotu ŋituŋa ŋulu alalak, ŋulu apotu kiirasi ŋakiro a Ŋikiyakia tonupa; toapik ekimar a ŋikilyok ŋalipyo ŋakan.

2 Ŋikor. 13:4

Tari kibubukinitoe iŋes lomusalaba anapalagu, eyari iŋes aŋuna ka apedor a ŋina ka Akuj. Ikipalag iwon daŋ anakimorikina ka Kristo; nai ani kikitiya isua alokidiŋ kus, ikimori apedor ŋina ka Akuj, anakiyar a ŋina a Kristo.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

2 Ŋikor. 8:16

Ikilakara neni ka Akuj aŋuna ewuakinia neni a Tito akiitanit ŋina ka akiŋaranakin ikwa isua daŋ aŋuna ka akiŋarakin iyes!

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

1 Ŋites. 4:7

Nyenyara Akuj iwon akiboi alokibure a ŋolo ka amalao, nai akiboi anakiyar a ŋina asegan, a ŋina itoodiunit atemar ikirae ŋulu keŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

Akis. 7:9

Ani kelunyar ŋun, abu oanyuwa asepic a ŋituŋa a ŋulu pa apedori idiotuŋanan akimarun. Arae ikes ŋulu a ŋibukui, a ŋikabilae, a ŋakwapin ka a ŋaŋajepa a daadaŋ. Apotu ikes towua alokiŋaren ekicoloŋ ŋolo a Imesek; tonapito ŋilowi ŋulu akwaŋak ka toyakatar ŋaten ŋuna a ŋaŋolya nakan kec.

Ŋikat. 5:2

“Kipuroe Ekapolon! Kipuroe Ekapolon aŋuna a ŋikarikok, a Ŋisirael aŋuna a ŋituŋa a ŋulu apotu inakinos aŋuna ajiore!

Ŋikat. 5:9

Eyai etau kaŋ neni a ŋikarikok a ŋajorei a Isirael ka ŋituŋa ŋulu apotu inakinos aŋuna ka ajiore. Kipuroe Ekapolon!